مایوس کرکٹ مداح صارم اختر شہرت کی بلندی پر
صارم اختر کی تصویر ہانگ کانگ کے میوزم آف میمز تک جاپہنچی۔
آسٹریلیا کے خلاف کرکٹ میچ کے دوران پاکستانی مداح صارم اختر کی مایوسی کی حالت میں لی گئی تصویر دو سال پہلے سوشل میڈیا پر وائرل ہوئی جس کے بعد اب اسے ہانگ کانگ کے میوزیم آف میمز کا حصہ بنا دیا گیا ہے۔
ورلڈ کپ 2019 میں پاکستان اور آسٹریلیا کے درمیان کھیلے گئے میچ میں قومی ٹیم کے کھلاڑی آصف علی نے ڈیوڈ وارنر کا کیچ ڈراپ کیا تھا۔ اہم کیچ ڈراپ ہونے پر ہزاروں پاکستانی مداحوں نے دکھ کا اظہار کیا تھا لیکن اس وقت گراؤنڈ میں کیمرا محمد صارم پر ہی رک گیا اور ان کی کمر پر ہاتھ رکھ کر مایوسی کا اظہار کرنے والی ویڈیو ریکارڈ کرلی گئی۔
پاکستانی کرکٹ کے مداح محمد صارم اختر کی ویڈیو سوشل میڈیا پر بہت وائرل ہوئی۔ صارفین نے ان کی ویڈیو اور تصویر کو مختلف میمز میں شامل کیا۔ انہی میمز نے پاکستانی مداح کو شہرت کی بلندیوں پر پہنچا دیا ہے۔ صارم اختر کی تصویر اور ویڈیو کلپ کو ہانگ کانگ نے اپنے میوزیم آف میمز کا حصہ بنا لیا ہے۔
View this post on Instagram
یہ بھی پڑھیے
برنی سینڈرز خود پر بننے والے میمز سے محظوظ
سماجی رابطوں کی ویب سائٹ ٹوئٹر پر محمد صارم اختر نے خوشی کا اظہار کرتے ہوئے ویڈیو کلپ کے ساتھ پیغام شیئر کیا۔
My sister found the video of the Hongkong K11 mueseum of memes on YouTube 😍 scroll to 0.37 sec 🎉🇵🇰👌 https://t.co/wIgAU1yLGB
— Sarim Akhtar (@msarimakhtar) July 31, 2021
سوشل میڈیا صارفین محمد صارم کو مبارکباد دیتے ہوئے نظر آرہے ہیں۔ صارفین کا کہنا ہے کہ مایوسی والی ویڈیو نے صارم کو شہرت کی بلندی پر پہنچا دیا ہے۔