خرم دستگیر نے عمران خان حکومت کو ہٹانے کی اصل وجہ بتا دی
سیاسی تجزیہ کاروں کا کہنا ہے وفاقی وزیر کے انٹرویو کے مندرجات سے صاف لگ رہا ہے شہباز شریف حکومت کو لانے کا مقصد عوام کو مہنگائی سے بچانا مقصود نہیں تھا۔
وفاقی وزیر خرم دستگیر خان نے پاکستان تحریک انصاف کی حکومت کو ہٹانے کی اصل وجہ بتا دی ، اور سچ ان کے زبان پر آگیا ، یعنی عمران خان کی حکومت مہنگائی کی وجہ سے نہیں ذاتی فائدے کے لیے ہٹائی گئی تھی۔
پاکستان کے معروف صحافی اور تجزیہ کار سید طلعت حسین کے یوٹیوب چینل پر دیگر شرکاء کے ہمراہ گفتگو کرتے ہوئے خرم دستگیر خان کا کہنا تھا پاکستان کے جو سیاسی معاملات تھے اور سال کے آخر میں ایک بڑی تبدیلی آنی تھی ، اس میں واضح نظر آرہا تھا کہ عمران خان کا گٹھ جوڑ اگلے پندرہ سال تک رہے گا۔
یہ بھی پڑھیے
پنجاب کے ضمنی انتخابات: کیا ن لیگ کو وفاداریاں تبدیل کروانے کا صلہ مل پائےگا؟
وفاقی وزیر خرم دستگیر نے انکشاف کرتے ہوئے کہا کہ اگلے سال اپوزیشن کی تمام لیڈرشپ کو "ڈس کوالیفائی” ہوجانا تھا ، وہ تمام اپوزیشن کا صفایا کرنا چاہتے تھے۔
ان کا کہنا تھا لوگوں کو بھول جاتا ہے ، عمران خان نے کہا تھا کہ نیب میں 100 ججز اور لگائے جائیں گے۔ بڑی تعداد میں ڈس کوالیفیکیشنز ہونا تھیں ، شہباز شریف، شاہد خاقان عباسی ، احسن اقبال سمیت تمام اپوزیشن کا صفایا کردیا جانا تھا۔
اینکر کے سوال کے خرم دستگیر خان کا کہنا تھا یہ ہمارے خدشات نہیں ہماری معلومات ہیں۔
خرم دستگیر خان کے انٹرویو پر ردعمل دیتے ہوئے پاکستان تحریک انصاف نے اپنے آفیشل ٹوئٹر اکاؤنٹ پر سابق وفاقی وزیر اسد عمر کا ٹوئٹ شیئر کرتے ہوئے لکھا ہے کہ ” خرم دستگیر کا بیان اس بات کا اعتراف ہے کہ اس امپورٹڈ حکومت کو عوام کی کسی بھی طرح پرواہ نہیں، پاکستان کی پرواہ نہیں، بلکہ انہیں صرف اپنے کرپشن کیسز کی پرواہ ہے۔ #امپورٹڈ_حکومت_نامنظور۔”
Khurram Dastgir’s statement is a confession of how this imported government doesn’t care for the public, doesn’t care about Pakistan, but they care only about their corruption cases! #امپورٹڈ_حکومت_نامنظور pic.twitter.com/rWK8XpR3xB
— PTI (@PTIofficial) June 18, 2022
سابق وفاقی وزیر علی زیدی نے خرم دستگیر خان کے انٹرویو کا کلپ شیئر کرتے ہوئے لکھا ہے کہ "دل کی بات زبان پر آگئی!۔”
دل کی بات زبان پہ آگئی !
خرم دستگیر نے کھلے دل سے اعتراف کیا کہ عمران خان کی جمہوری طور پر منتخب حکومت میں اپوزیشن کو کرپشن کے مقدمات کا سامنا کرنے سے بچانے کے لیے ایک سازش کے ذریعے ہٹایا گیا۔
افسوس کی بات یہ ہے کہ یہ بدمعاش معیشت کو مار رہے ہیں۔#امپوررٹڈ_حکومت_نامنظور pic.twitter.com/wENVy9zXhD
— Ali Haider Zaidi (@AliHZaidiPTI) June 18, 2022
وفاقی وزیر خرم دستگیر خان کے انٹرویو پر تبصرہ کرتے ہوئے سیاسی تجزیہ کاروں کا کہنا ہے انٹرویو کے مندرجات سے صاف پتا چلتا ہے کہ شہباز شریف حکومت کو لانے کا مقصد عوام کو مہنگائی سے بچانا نہیں تھا بلکہ اپنے اوپر بنے کیسز کو ختم کرانا تھا۔