مفتاح اسماعیل نے ملکی معاشی بحران کا ذمہ دار مکمل طور پر اسحاق ڈار کو قرار دے دیا

پاکستان مسلم لیگ (ن) کے سینئر رہنما اور سابق وزیر خزانہ مفتاح اسماعیل نے کہا ہے کہ مجھے نکال دیتے مگر کسی کمپیٹنٹ بندے کو لے آتے تو معاشی صورتحال ایسی نہ ہوتی جیسی اب ہے۔

ان خیالات کا انہوں نے دنیا کے نیوز کے پروگرام "آج کامران خان کے ساتھ” میں کیا۔ ان کا کہنا تھا کہ "مجھےنکال دیتے لیکن کوئی اکانومسٹ ٹائپ کا بندہ ہی لے آتے، مسلم لیگ میں اور بھی قابل بندے ہیں ، مسلم لیگ میں احسن اقبال جیسے قابل لوگ بھی ہیں انہیں لے آتے تو کچھ بہتر ہوجاتا۔”

یہ بھی پڑھیے

پاکستان اور آئی ایم ایف کے مذاکرات ختم، معاہدہ نہ ہوسکا، ڈومور کا مطالبہ برقرار

• اسٹاک ایکسچینج میں 743 پوائنٹس اضافہ، ڈالر اور سونے کی قیمتوں میں بڑی کمی آگئی

سابق وزیر خزانہ مفتاح اسماعیل کا کہنا تھا ڈار صاحب کی سوچ زمانے کی مطابق نہیں ہے ، آپ کہتے تھے آئی ایم ایف کو آنکھیں دکھاؤں گا ، اب دکھائیں آنکھیں ، زرمبادلہ کے ذخائر 2.9 بلین ڈالر پر لے کر آئے گئے ، آپ کو 35 روپے فی لیٹر پیٹرول بڑھانا پڑا۔

مجھےنکال دیتےلیکن کوئی اکانومسٹ ٹائپ کابندہ ہی لےآتے، مسلم لیگ میں احسن اقبال جیسےقابل لوگ بھی ہیں انہیں لےآتے، ڈارصاحب کی سوچ ہی الٹی ہے، اپنی انا کےچکرمیں آپ نےلوگوں کی فیکٹریاں بند کروادیں۔ سابق وزیرخزانہ مفتاح اسماعیل@MiftahIsmail @MIshaqDar50 @MaryamNSharif pic.twitter.com/50B70MYFcW

— Asmat Mallick (@AsmatMallick) February 9, 2023

مفتاح اسماعیل نے سخت الفاظ کا استعمال کرتے ہوئے کہا کہ آپ کی سوچ ہی الٹی ہے ، آپ نے کہا تھا کہ میں آئی ایم ایف سے بات نہیں کروں گا ، اگر یہ معاہدہ اکتوبر میں ری ویو ہوچکا ہوتا تو ہم آج یہاں نہ کھڑے ہوتے۔

سابق وزیر خزانہ کا کہنا تھا کہ "میری سمجھ میں نہیں آتا کہ آپ نے ملک کو 2.8 یا 2.9 بلین ڈالر تک کیسے آنے دیا۔ کیوں آپ نے ڈیفالٹ کے رسک بڑھائے ، کیا فائدہ ملا ، آپ نے ایکسپورٹر کو تین چار ماہ کس بات کی سزا دی۔ آپ نے سستا پیٹرول بیچا ، اپنی انا کے چکرمیں آپ نے لوگوں کی فیکٹریاں بند کروا دیں۔”