پاکستان کو چین سے 70 کروڑ ڈالر کے فنڈز موصول
الحمدللہ، اسٹیٹ بینک آف پاکستان کو چائنا ڈیولپمنٹ بینک سے فنڈ موصول ہوگئے، وزیرخزانہ کی تصدیق
پاکستان کو چین سے 70 کروڑ ڈالر کے فنڈز موصول ہوگئے.
وفاقی وزیرخزانہ اسحاق ڈار نے چین سے رقم موصول ہونے کی تصدیق کرتے ہوئے خدا کا شکر ادا کیا ہے۔
یہ بھی پڑھیے
اسٹاک ایکسچینج میں مندی مگر ڈالر اور سونے کے بھاؤ میں کمی آگئی
اسٹیٹ بینک نے 17.75فیصد شرح پر کرنسی مارکیٹ میں 1.8کھرب روپے جاری کردیے
وزیرخزانہ نے اپنے ٹوئٹ میں لکھا کہ”الحمدللہ، اسٹیٹ بینک آف پاکستان کو چائنا ڈیولپمنٹ بینک سے 70 کروڑ ڈالر کے فنڈ موصول ہوگئے ہیں۔ اسٹیٹ بینک ذرائع کے مطابق رقم چائنا ڈویلپمنٹ بینک کی طرف سے رول اوور معاہدے کے بعد موصول ہوئی۔
AlhamdoLilah!
Funds $ 700 million received today by State Bank of Pakistan from China Development Bank. https://t.co/7eLwWkSFgO
— Ishaq Dar (@MIshaqDar50) February 24, 2023
اس سے قبل وزیرخزانہ نے 22 فروری کو اپنے کے ذریعے آگاہ کیا تھا کہ رسمی کارروائیاں مکمل ہوچکی ہیں اور چائنا ڈیولپمنٹ بینک کے بورڈ نے پاکستان کے لیے 70 کروڑ ڈالر کی سہولت کی منظوری دے دی۔ یہ رقم اسٹیٹ بینک آف پاکستان کو اس ہفتے موصول ہونے کی توقع ہے جس سے اس کے زرمبادلہ کے ذخائر میں اضافہ ہو جائے گا۔
اسٹیٹ بینک آف پاکستان کی جانب 22فروری کو جاری کردہ اعداد وشمار کے مطابق 17فروری تک مجموعی ملکی زرمبادلہ کے ذخائر 8 ارب 72 کروڑ 65 لاکھ ڈالر رہے۔
