اسحاق ڈار کا آئی ایم ایف معاہدہ منظر عام پر لانے اور چائنا سے مزید قرض ملنے کا اعلان
وفاقی وزیر خزانہ اسحاق ڈار آئی ایم ایف سے معاہدے کی تفصیلات عوام کے لیے ویب سائٹ پر شائع کرنے کا اعلان کیا ہے جبکہ انہوں نے چائنا سے مزید 50 کروڑ ڈالر قرض ملنے کی بھی نوید سنائی ہے
وفاقی وزیر خزانہ اور ریونیو سینیٹر اسحاق ڈار کا کہنا ہے کہ انٹرنیشنل مانیٹری فنڈ (آئی ایم ایف) کے ساتھ عملے کی سطح کے معاہدے کی تفصیلات منظر عام پر لائی جائیں گی۔
ایوان بالا کے اجلاس میں اظہار خیال کرتے ہوئے وفاقی وزیر خزانہ اور ریونیو اسحاق ڈار نے کہاکہ انٹرنیشنل مانیٹری فنڈ (آئی ایم ایف) سے معاہدے سے متعلق کچھ چھپایا نہیں جائے گا ۔
یہ بھی پڑھیے
وزیر خزانہ اسحاق ڈار کا عازمین حج کیلئے زرمبادلہ اور سہولیات فراہم کرنے کا عزم
وزیر خزانہ اسحاق ڈارنے ایوان بالا میں یقین دہانی کروائی ہے کہ انٹرنیشنل مانیٹری فنڈ (آئی ایم ایف) کے ساتھ اسٹاف لیول معاہدے کی تفصیلات منظر عام پر لائی جائیں گی۔
Response to a query raised by an honourable Senator as to the causes of delay in signing off the Staff Level Agreement with IMF during Golden Jubilee Celebrations of the Senate of Pakistan👇 pic.twitter.com/BMECbZNXUs
— Ishaq Dar (@MIshaqDar50) March 16, 2023
سینیٹ میں اپنے خطاب میں سینیٹر اسحاق ڈار نے کہا کہ آئی ایم ایف سے معاہدے پر دستخط ہونے کے بعد اسے وزارت خزانہ کی ویب سائٹ پر اپ لوڈ کر دیا جائے گا ۔
وزیر خزانہ نے کہا کہ وہ ملک میں شفافیت اور مالیاتی نظم و ضبط پر یقین رکھتے ہیں۔ آئی ایم ایف معاہدے کی تمام تر تفصیلات عوام کے لیے ویب سائٹ پر پیش کی جائیں گی ۔
اسحاق ڈار نے اپنے ایک ٹوئٹ پیغام میں چائنا سے مزید 50 کروڑ ڈالر کا قرض ملنے کی نوید سناتے ہوئے کہا کہ مزید 50 کروڑ ڈالر کے حصول کیلئے دستاویزی کاروائی مکمل ہوگئی ہے۔
Out of #Chinese ICBC’s approved rollover facility of US$1.3 billion (which was earlier repaid by Pakistan to ICBC in recent months), documentation for second disbursement of US$500 million has been completed by Finance Ministry for release of funds to the State Bank of Pakistan!
— Ishaq Dar (@MIshaqDar50) March 16, 2023
وفاقی وزیر خزانہ نے اپنے ٹوئٹر ہینڈل سے پیغام میں بتایا کہ چائنا کی جانب سے 50 کروڑ ڈالر کے فنڈز جلد ہی اسٹیٹ بینک پاکستان(ایس بی پی ) کو جاری ہو جائیں گے۔
اسحاق ڈار نے کہا کہ چینی بینک نے پاکستان کیلئے 1.3 ارب ڈالر کے رورل اوور کی منظوری دی تھی۔پاکستان نے حال ہی میں یہ رقم چینی بینک کو واپس ادا کی تھی۔
