ٹویوٹا مصر اور انڈس موٹر کمپنی کے درمیان معاہدہ طے پاگیا

انڈس موٹرز کے ”میک ان پاکستان“ تصور نے بین الاقوامی سرحدیں عبور کرلیں ، ٹویوٹا مصر اور انڈس موٹر کمپنی کے درمیان معاہدہ طے پاگیا رواں ماہ سے عمل درآمد ہوگا

تفصیلات کے مطابق انڈس موٹرز کمپنی (آئی ایم سی) گلوبل سپلائی چین کا حصہ بنتے ہوئے ٹویوٹا مصر کو مصنوعات ایکسپورٹ کرے گی۔

ٹویوٹا مصر کے ساتھ معاہدے کے ساتھ ہی ، آئی ایم سی نے گلوبل سپلائی چین کا حصہ بننے والے پاکستان کے پہلا آٹو مینوفیکچرر کا اعزاز حاصل کرلیا ہے۔

یہ بھی پڑھیے

سعودی امداد کے آتے ہی شیئرز مارکیٹ میں 570 پوائنٹس کا اضافہ ریکارڈ

اسٹیٹ بینک کو سعودی عرب سے 2 ارب ڈالر موصول ہوگئے ہیں، اسحاق ڈار

معاہدے کے موقع پر خطاب کرتے ہوئے چیف ایگزیکٹیو انڈس موٹر کمپنی علی اصغر جمالی کا کہنا تھا کہ ”میک ان پاکستان“ کے خواب کی انٹرنیشنل سرحدوں سے باہر تکمیل عظیم دن ہے۔

علی اصغر جمالی کا کہنا تھا کہ گلوبل سپلائی چین میں شمولیت پاکستان کو دنیا کے نقشے پر ابھارنے اور معیشت کو مضبوط بنانے کے ہمارے عزم کی ترجمان ہے۔

چیف ایگزیکٹیو انڈس موٹر کمپنی علی اصغر جمالی کا مزید کہنا تھا کہ ٹویوٹا مصر کے ساتھ شراکت داری اے آئی ڈی ای پی 2021-2026 کے تقاضوں پر پورا اترنے کا آغاز ہے،

انہوں نے کہا کہ آئی ایم سی کی ایکسپورٹ کی صلاحیت کا فروغ، پاکستان کی آٹو انڈسٹری کی ترقی میں بھی نمایاں مدد ملے گی۔ اس پیش رفت سے پاکستان اور افریقہ کے درمیان تجارتی روابط مضبوط بنانے میں مدد ملے گی۔