پاکستان میں سونے کی درآمدات میں 37.40 فیصد ریکارڈ اضافہ

پاکستان بیورو آف اسٹیٹسٹکس (پی بی ایس) کی رپورٹ کے مطابق مالی سال 2022-23 کے دوران سونے کی درآمدات میں گزشتہ سال کے مقابلے میں 35.48 فیصد کا نمایاں اضافہ دیکھا گیا۔

وفاقی ادارہ شماریات کی رپورٹ کے مطابق جولائی-جون 2022-23 کے لیے سونے کی کل درآمدات 30.651 ملین ڈالر تھیں ، جب کہ جولائی-جون 2021-22 میں یہ 22.623 ملین ڈالر تھی۔

مقدار کے لحاظ سے پاکستان نے مذکورہ مدت کے دوران 496 کلو گرام سونا درآمد کیا، جو گزشتہ سال درآمد کیے گئے 361 کلو گرام کے مقابلے میں 37.40 فیصد زیادہ ہے۔

یہ بھی پڑھیے 

15 ماہ بعد پی ایس ایکس 100 انڈیکس 46000 پوائنٹس عبور کرگیا

امریکی ڈالر کے مقابلے پاکستانی روپے کی قدر میں مزید کمی

وفاقی ادارہ شماریات کی رپورٹ کے مطابق سال بہ سال کی بنیاد پر سونے کی درآمدات میں 48.22 فیصد کی کمی واقع ہوئی۔

رپورٹ کے مطابق جون 2023 میں 3.273 ملین ڈالر ریکارڈ کیے گئے جو جون 2022 میں 3.641 ملین ڈالر تھے۔ مقدار کے لحاظ سے، درآمدات میں 11.86 فیصد کمی واقع ہوئی، جون 2022 میں میں 59 کلو گرام سونا کم درآمد کیا گیا۔

مزید برآں، ماہ بہ ماہ کی بنیاد پر، جون 2023 میں سونے کی درآمدات مئی 2023 کے مقابلے میں 4.33 فیصد کم ہوئیں جب درآمدات کی مالیت 3.421 ملین ڈالر تھی۔

رپورٹ کے مطابق

یہ بات قابل ذکر ہے کہ مالی سال 2022-23 کے مجموعی تجارتی خسارے میں گزشتہ سال (2021-22) کے مقابلے میں 43.03 فیصد کی نمایاں کمی دیکھی گئی۔

جولائی تا جون 2022-23 کے لیے تجارتی خسارہ 27.547 بلین ڈالر ریکارڈ کیا گیا جو جولائی تا جون 2021-22 کے 48.354 بلین ڈالر کے خسارے کے مقابلے میں کافی کم ہے۔

مذکورہ مدت کے دوران برآمدات کا حجم 27.744 بلین ڈالر رہا جو گزشتہ سال کے 31.782 بلین ڈالر کے مقابلے میں 12.71 فیصد کمی کو ظاہر کرتا ہے۔

دوسری جانب درآمدات میں 31 فیصد کی شدید کمی دیکھی گئی، جو گزشتہ سال کے 80.136 بلین ڈالر سے کم ہو کر مالی سال 2022-23 کے دوران 55.291 بلین ڈالر رہ گئی۔