پی ایس ایکس 100 انڈیکس 534 پوائنٹس اضافے کے ساتھ 48746 پوائنٹس پر بند
پاکستان اسٹاک مارکیٹ میں بدھ کے روز 20 ارب روپے مالیت کے 556.1 ملین شیئرز کے سودے ہوئے۔
کراچی: پاکستان اسٹاک ایکسچینج (پی ایس ایکس) میں تیزی کا راج برقرار ہے، کیونکہ بنچ مارک KSE-100 انڈیکس میں بدھ کے روز 500 پوائنٹس سے زیادہ کا اضافہ دیکھا گیا۔
کاروباری ہفتے کے تیسرے روز بینچ مارک انڈیکس 534.1 پوائنٹس یا 1.11 فیصد اضافے کے ساتھ 48,746.6 کی سطح پر منڈلا رہا تھا۔
گزشتہ روز حصص کی مارکیٹ میں 556,930,694 شیئرز کے سودے ہوئے تھے جب کہ بدھ کے روز مجموعی طور پر 556,141,485 حصص کا کاروبار ہوا۔
یہ بھی پڑھیے
سوئی ناردرن کی نااہلی کے باعث 21 ارب روپے کی سستی ایل این جی بھاڑ میں جھونک دی گئی
ماہانہ بنیادوں پر مہنگائی کی شرح 28.31 فیصد تک پہنچ گئی
گزشتہ کاروباری روز 15.946 ارب روپے کے مقابلے میں حصص کی قیمت 19.989 بلین روپے رہی۔
اسٹاک مارکیٹ میں 353 کمپنیوں نے اپنے حصص کا لین دین کیا۔ ان میں سے 194 کمپنیوں کے حصص کی قیمتوں میں اضافہ اور 128 میں مسلسل کمی جبکہ 31 کمپنیوں کے حصص کی قیمتوں میں کوئی تبدیلی نہیں ہوئی۔
تین ٹاپ ٹریڈنگ کمپنیاں میں پہلے نمبر پر Cnergyico PK تھی جس کے 92,895,571 شیئرز کے سودے ہوئے فی شیئر کی قیمت 3.75 روپے تھی۔ بینک آف پنجاب کے 46,991,000 شیئرز کے سودے ہوئے ، جبکہ فی شیئر کی قیمت 4.82 روپے تھی اسی طرح پاک ریفائنری کے 31,345,365 حصص کے سودے ہوئے فی حصص کی قیمت 18.40 روپے تھی۔
نیسلے پاکستان نے سب سے زیادہ 150.00 روپے فی حصص کی قیمت میں اضافہ دیکھا، جو کہ 7,150.00 روپے پر بند ہوا جبکہ رنر اپ سیفائر ٹیکس تھا جس کی فی حصص قیمت 39.88 روپے اضافے کے ساتھ 1,164.87 روپے ہوگئی۔
بلیسڈ ٹیکس کی قیمت 27.74 روپے فی حصص کی زیادہ سے زیادہ کمی کے ساتھ 342.24 روپے پر بند ہوئی، اس کے بعد فلپ مورس پاک کا شیئر 12.50 روپے کی کمی کے ساتھ 430.00 روپے پر بند ہوا۔
پاکستان اسٹاک مارکیٹ کے مطابق بدھ کو اسٹاک مارکیٹ میں 20 ارب روپے مالیت کے 556.1 ملین شیئرز کا کاروبار ہوا۔
پاکستان اسٹاک ایکسچینج 25 ماہ کی بلند ترین سطح پر پہنچ گئی ہے اور تین سال بعد جولائی میں غیر ملکی سرمایہ کاروں نے 1.8 ملین ڈالر کی خالص خریداری کی۔
