کیا پاکستان میں فوڈ ڈیلیوری اب ڈرون کے ذریعے ہوگی؟

ڈرون فوڈ ڈیلیوری کی سروس فی الحال صرف کراچی اور لاہور کے شہریوں کے لیے موجود ہے۔

پاکستان میں کریم ٹرانسپورٹ کمپنی نے فوڈ ڈیلیوری کے لیے ’ڈرون‘ کے استعمال کا اعلان کردیا ہے۔

سماجی رابطوں کی ویب سائٹ ٹوئٹر پر مشہور ٹرانسپورٹ کمپنی کریم نے اعلان کیا ہے کہ پہلی مرتبہ پاکستان میں ڈرون سروس متعارف کروائی جارہی ہے۔

یہ بھی پڑھیے

مولٹی فوم اور ڈائمنڈ سپریم فوم کے درمیان لفظی جنگ کا آغاز

کمپنی نے ٹوئٹر پر لکھا کہ یہ سروس فی الحال صرف کرچی اور لاہور کے شہریوں کے لیے موجود ہے۔

کریم کی جانب سے ڈرون سروس کے اعلان کے بعد ٹوئٹر صارفین نے اس پر دلچسپ اور مزاحیہ تبصرے کیے ہیں۔

پاکستان میں کریم سروس کا آغاز 2015 میں ہوا تھا۔ کریم پاکستان میں ٹیکسی سروس کے طور پر سامنے آئی تھی تاہم بائیک سروس اور فوڈ ڈیلیوری کے بعد اب ڈرون فوڈ ڈیلیوری بھی کریم سروس کا حصہ بننے جارہی ہے۔

واضح رہے کہ 2019 میں آن لائن ٹیکسی سروس اوبر نے کریم کو 3.1 بلین ڈالرز میں خرید لیا تھا۔

متعلقہ تحاریر