ایف آئی اے ڈالر کی اسمگلنگ کیخلاف متحرک، پشاور میں متعدد پلازے سیل

وفاقی تحقیقاتی ادارہ(ایف آئی اے) ڈالر کی افغانستان اسمگلنگ روکنے کیلیے حرکت میں آگیا۔پشاور میں ڈالرکے غیرقانونی کاروبار میں ملوث متعدد پلازوں کو سیل کردیا گیا۔

طورخم بارڈر پر 2 کارروائیوں میں خاتون سمیت 2 افراد کو گرفتار کرکے ہزاروں ڈالر افغانستان اسمگل کرنے کی کوشش بھی ناکام بنادی گئی۔

یہ بھی پڑھیے

زرمبادلہ کے ذخائر 6.7ارب ڈالر رہ گئے،آرمی چیف کے دورے کےبعد سعودی عرب سے مزید 3 ارب ڈالر ملنےکی امید

صحافی افتخار فردوس کے مطابق  ایف آئی اے نےغیرقانونی طریقوں سے ڈالر کی افغانستان ترسیل کو روکنے کیلیے  پشاور میں متعدد پلازوں کو سیل کر دیا اور گرفتاریاں کی ہیں۔

The FIA seals multiple plazas in Peshawar, makes arrests, trying to stop the spillover of the dollar into Afghanistan through illegal means. But still doesn’t manage to get into the nervous system of the illegal operations. It’s much bigger than sealing plazas!

— Iftikhar Firdous (@IftikharFirdous) December 11, 2022

انہوں نے کہاکہ ایف آئی اے اس کے باوجود  ان غیر قانونی کارروائیوں کے اعصابی نظام میں داخل ہونے  میں کامیاب نہیں ہوسکا۔ یہ پلازوں کو سیل کرنے سے بہت بڑا  کام ہے۔دوسری جانب   پاک افغان سرحدی گزرگاہ طورخم پر کسٹم نے 2 مختلف کارروائیوں میں ہزاروں امریکی ڈالر افغانستان اسمگل کرنےکی کوشش ناکام بنادی۔

کلکٹر کسٹم کے مطابق طورخم پر ایک کارروائی میں افغانستان جانے والے مسافر سے 10 ہزار امریکی ڈالر برآمدکرکے اسےگرفتار کرلیا گیا۔دوسری کارروائی میں کسٹم اہلکاروں نے افغانستان جانے والی ایک خاتون مسافر سے 5 ہزار امریکی ڈالر برآمد کرلیے۔