گریمی ایوارڈ کیلیے دوسری مرتبہ نامزد عروج آفتاب تقریب میں پرفارم بھی کریں گی

گریمی ایوارڈ یافتہ پاکستانی نژادامریکی گلوکارہ عروج آفتاب مسلسل دوسری مرتبہ گریمی ایوارڈ کے لیے نامزدگی کے بعد اس مرتبہ ایوارڈ کی مرکزی تقریب میں پرفارم بھی کریں گے۔

گریمی ایوارڈز کی تقریب اتوار 5فروری کوامریکی ریاست کیلیفورینا کے شہر لاس اینجلس میں منعقد ہوگی۔

یہ بھی پڑھیے

عروج آفتاب مسلسل دوسرے سال گریمی ایوارڈ کیلیے نامزد

عروج آفتاب گریمی ایوارڈ جیتنے والی پہلی پاکستانی گلوکارہ بن گئیں

گلوکارہ کومعروف شاعر  حفیظ ہوشیار پوری کی شہرہ آفاق غزل”محبت کرنے والے کم نہ ہوں گے“گانے پر   گزشتہ برس   بہترین عالمی موسیقی کی کے گریمی ایوارڈ سے نوازاگیا تھا۔

🎶 We’re thrilled to announce that current #GRAMMYs nominee @arooj_aftab will be performing at the #GRAMMYPremiere Ceremony this year!

 

Tune in to the livestream on Feb. 5th at 12:30 PM PT on https://t.co/EX7x62folK and Recording Academy YouTube channel: https://t.co/bV1DfBD5er pic.twitter.com/yE4Ri1g7Rc

— Recording Academy / GRAMMYs (@RecordingAcad) January 27, 2023

گلوکارہ کو رواں سال مسلسل دوسری مرتبہ   اپنے گانے” ادھیڑو نا“ کے لیے بہترین گلوبل میوزک پرفارمنس کے زمرے میں نامزد کیا گیا ہے۔5فروری کو لاس اینجلس میں منعقدہ گریمی ایوارڈ کی مرکزی تقریب میں اس سال کیلیے نامزد91 زمروں میں سے زیادہ تر کو ایوارڈ سے نوازاجائے گا۔

گریمی ایوارڈ کے لیے نامزد رینڈی ریمبو تقریب کی مشترکہ میزبانی کے فرائض انجام دیں گے ،الباما کے بلائنڈ بوائز،لاسانتا سیسیلیا کے لارمایریسول تقریب کی ابتدا میں اپنی فن کاجادو جگائیں گے جبکہ گریمی ایوارڈ کیلیے نامزد عروج آفتاب،میڈیسن کننگھم، سماراجوئے، انوشکا شنکر اور کارلوس ویوس بھی اپنی آواز کا جادو جگائیں گے ۔