پاکستانی فنکاروں کا عمران خان کی گرفتاری کی کوششوں پر شدید ردعمل

تحریک انصاف کے سربراہ عمران خان کی گرفتاری کی کوششوں کے دوران پاکستانی ڈرامہ انڈسٹری کے فنکار ان کی حمایت  میں کھل کر سامنے آگئے۔

اداکار فرحان سعید نے عمران خان کو قوم سے دور کرنے کی کوشش کرنے والے متنبہ کردیا۔ عتیقہ اوڈھو نے عمران خان کی سلامتی کیلیے دعا کی جبکہ عدنان صدیقی پاکستانی عوام کے ردعمل کو غیرمعمولی قرار دیدیا۔

یہ بھی پڑھیے

عمران خان کی گرفتاری پولیس کیلئے چیلنج بن گئی ، 20 گھنٹے کے بعد نتیجہ صرف  بٹا صرف

عمران خان کی گرفتاری سے سیاسی بحران مزید گہرا ہوگا، زلمے خلیل زاد

اداکار فرحان سعید نے اپنے ٹوئٹ میں لکھاکہ”قوم کے سب سے پسندیدہ اور مقبول لیڈر کو اپنی قوم سے دور رکھنے والے سن لیں! ایسا کرنے سے آپ اس قوم کو ہمیشہ کے لیے ایک ہجوم بنا دیں گے، یہ اور بات ہے اگر آپ چاہتے ہی یہ ہیں لیکن اللہ نے اس قوم کا مقدر کچھ اور لکھا ہے، انشاءاللہ“۔

Qaum ke sabse pasnadeeda aur maqbool leader ko apni qaum se door rakhne wale sun lein, aisa kurne se app is qaum ko hamesha ke liye ek hajoom bana deinge !
Woh aur baat hai ager app chahte hi ye hein , lekin Allah ne is qaum ka muqadar kuch aur likha hai iA ! #ImranKhanRally

— Farhan Saeed (@farhan_saeed) March 14, 2023

اداکارہ عتیقہ اوڈھو نے انسٹاگرام پر جاری پیغام میں لکھاکہ”دعا ہے کہ اللہ عمران خان کی حفاظت کرے اورپاکستان کے لیے ان کی کوششوں کو کامیاب کرے۔ کوئی بھی اس سلوک کا مستحق نہیں  ہےجس طرح  کا سلوک اس کے کیا جارہا ہے اور صرف اس لیے  کہ وہ ہماری قوم کے لئے مصائب کی بیڑیاں توڑنے کی کوشش کررہا ہے“۔

 

View this post on Instagram

 

A post shared by Atiqa Odho (@atiqaodhoofficial)

انہو ں نے کہا کہ  ”ہو سکتا ہے وہ کامل نہ ہو اور اس میں بہت سی خامیاں ہوں لیکن اس کا دل ہمیشہ صحیح جگہ پر رہا ہے جس کے لیے ہمیں اس کی آزمائشوں میں اس کا ساتھ دینا چاہیے۔ دوسرے لوگ صرف باتیں کرتے ہیں جبکہ وہ اپنے کہے پر عمل بھی کرتا ہے،مخلص ہونے کی وجہ سے ہراساں کیا جانا اور سزا دینا ایک ناانصافی ہے، جسے ہمیں اس عظیم ملک کے شہری کے طور پر کبھی قبول نہیں کرنا چاہیے“۔

It’s incredible to witness people from all walks of life coming together with a shared sense of purpose, fueled by their passion and dedication. Such an outpouring of support for a leader is unprecedented in the history of our country #PeoplePower #PTIfamily

— Adnan Siddiqui (@adnanactor) March 15, 2023

اداکار عدنان صدیقی نے اپنے ٹوئٹ میں لکھاکہ  ”زندگی کے تمام شعبوں سے تعلق رکھنے والے لوگوں کو ان کے جذبے اور لگن کی وجہ سے مشترکہ مقصد کے ساتھ اکٹھے ہوتے دیکھنا ناقابل یقین ہے۔ ایک لیڈر کے لیے اس طرح کی حمایت ہمارے ملک کی تاریخ میں بے مثال ہے“۔

I wish KHAN thought about himself more. He’d be living a lavish retired life now.

Instead, he thought of US and our FUTURE and the system wants him gone. A true fighter. A true leader!! https://t.co/H4Jo9Gubfm

— Shahveer Jafry (@shahveerjaay) March 14, 2023

اداکارہ شاہویر جعفری نے اپنے ٹوئٹ میں لکھاکہ”  کاش خان صاحب اپنے بارے میں زیادہ سوچتے، وہ اب ایک شاہانہ ریٹائرڈ زندگی گزار رہے ہوتے لیکن اس کے بجائے، انہوں  نے ہمارے اور ہمارے مستقبل کے بارے میں سوچا اور سسٹم چاہتا ہے کہ وہ چلے جائیں ، ایک حقیقی جنگجو۔ ایک سچا لیڈر!!“۔