آئما بیگ نے اپنے بیان  کی بیہودہ خبر لگانے پر فیشن میگزین کو کھری کھری سنادی

پاکستانی میوزک انڈسٹری کی خوبروگلوکارہ آئما بیگ نے پہلے پیار سے متعلق اپنے بیان کی بیہودہ سرخی لگانے پر فیشن میگزین کو زرد صحافت کا مرتکب قرار دیتے ہوئے کھری کھری سنادی۔

آئما بیگ نے ثمینہ پیرزادہ کو دیے گئے انٹرویو میں اپنے پہلے پیار سے متعلق گفتگو کی تھی جسے فیشن میگزین نے توڑ مروڑ کر پیش کیا تھا۔

یہ بھی پڑھیے

شادی کیلیے کوئی شرط نہیں بس لڑکا زیادہ گورا نہیں ہوناچاہیے، آئما بیگ

آئما بیگ کو گلوکار شمعون اسماعیل کے ساتھ تصویر شیئر کرنا مہنگا پڑگیا

سینئر اداکارہ ثمینہ پیرزادہ نے اپنے یوٹیوب چینل پر 4 سال قبل انٹرویو کے دوران آئما بیگ سےسوال کیا کہ ”پہلا کرش(پہلی یکطرفہ  محبت) کس پر تھا۔گلوکارہ  نے بتایا کہ پہلا کرش، مجھے یاد ہے جب میں 10 سال کی تھی تو میرے بھائی کا دوست تھا، میرے بھائی مجھ سے 7 سال بڑے تھے،ان کے دوست میرےبھی بھائی تھے  لیکن  مجھے ان پر کرش تھا،ان کی نیلی چمکدار آنکھیں تھیں، میں اس وقت سوچتی تھی کہ یار یہ کیا چیز ہیں، کیا یہ واقعی اصلی ہیں، تو وہ میری پہلی محبت تھے “۔

معروف فیشن میگزین نے گلوکارہ کے 4 سال پرانے اس انٹرویو کو اپنی سوشل میڈیا پوسٹ میں اس انداز میں پیش کیا جیسے  گلوکارہ نے اپنے بھائی کو اپنی پہلی محبت قرار دیا۔

آئما بیگ نے فیشن میگزین کی اس حرکت کو زرد صحافت قرار دیتے ہوئے اسے شدید تنقید کا نشانہ بنایا ہے ۔ آئما بیگ نے کہاکہ عام طور پر میں اپنے بیان کی وضاحت کے لیے آگے نہیں آتی لیکن  میری پبلسٹی کی ٹیم کی نشاندہی پر اس پوسٹ نے میری توجہ حاصل کرلی ۔

انہوں نے کہا کہ میں ایف ایچ ایم پاکستان کی اس زرد صحافت سے بالکل بیزار ہوں، وہ کیسے عجیب بے شرم نظریے کا پرچار کررہے ہیں ۔ مجھے نہیں معلوم کہ وہ کوئی بے شرم ایجنڈا پھیلا رہے ہیں لیکن کم از کم مجھے اس کا حصہ نہ بنائیں۔

تاہم میگزین کی جانب سے اپنی خبر کے درست ہونے پر گلوکارہ نے انٹرویو کی اصل وڈیو اپنی انسٹاگرام اسٹوری میں شیئر کرتے ہوئے میگزین سے سرعام معافی مانگنے  کا مطالبہ کردیا۔

آئما بیگ نے اپنی اسٹوری میں لکھاکہ میں ایسے گھناؤنے حرکت پر سرعام معافی کا مطالبہ کرتی ہوں،مجھ پر گھناؤنا الزام اور اس بے فائدہ اور بیہودہ خبر کے بارے میں ان تمام ناپسندیدہ اور گھٹیا پوسٹوں کو ہٹا دیں۔