علی ظفر نےکنسرٹ میں شیر اور بلے کے نشان والی جیکٹ پہننے کی وجہ بتادی

پاکستانی شوبز انڈسٹری کے مایہ ناز گلوکار واداکار علی ظفر نے کینیڈا میں منعقدہ کنسرٹ کے دوران شیر اور بلے کے نشان والی جیکٹ پہننے کی وجہ بتادی۔

گلوکار و اداکار نے کسی سیاسی جماعت میں شمولیت کی خبروں کو بے بنیاد قرار دیدیا۔

یہ بھی پڑھیے

فوادخان کی فلم دی لیجنڈ آف مولاجٹ نے نمائش کی ڈبل سنچری مکمل کرلی

اداکارہ مایا علی کو بھی متحدہ عرب امارات کا گولڈن ویزا مل گیا

گزشتہ روز سے سوشل میڈیا پر علی ظفر کی ایک تصویر وائرل ہوئی تھی جس پر شیرآیا شیر آیا کے نعرے درج تھے جبکہ اسے جیکٹ پر بلا بھی بناہوا تھا۔ اس تصویر کو جواز بناتے ہوئے سوشل میڈیا صارفین نے دعویٰ کیا تھاکہ علی ظفر نے مسلم لیگ ن میں شمولیت اختیار کرلی ہے۔

ہر چیز کو بغیر تحقیق کیے سیاسی رنگ دینا اور متنازعہ بنانا مناسب نہیں۔ غلط headline کے ساتھ شائع کی گئی تصویر کی اصل حقیقت۔ pic.twitter.com/hYTQu7IgmZ

— Ali Zafar (@AliZafarsays) May 1, 2023

اس حوالے سے علی ظفر نے ٹوئٹر پر ایک وڈیو پیغام جاری کرتے ہوئے یہ جیکٹ پہننے کی وجہ بتائی ہے۔ علی ظفر نے بتایا کہ” ٹورنٹو میں ہونے والے شو سے پہلے ساؤنڈ چیک کے دوران میں نے ایک ہوڈی  پہنی تھی، اس ہوڈی کی تصویر سوشل میڈیا پر گھوم رہی ہے جس میں بتایا جارہا ہے کہ غالباً میں نے کوئی سیاسی پارٹی جوائن کرلی ہے۔

گلوکار نے ہوڈی پر نشان دکھاتے واضح کیا کہ” درحقیقت یہ ہوڈی ہے اور اس پر بلا، شیر جیسے نشانات بھی ہیں، اس ہوڈی اور اس پر موجود سیاسی نشانات کو غلط رنگ نہ دیجیے، میں ایک فنکار ہوں، جانے دیجیئے“۔

علی ظفر نے اپنی ویڈیو کے کیپشن میں لکھا کہ ”ہر چیز کو بغیر تحقیق کیے سیاسی رنگ دینا اور متنازع بنانا مناسب نہیں۔ غلط  ہیڈ لائن کے ساتھ شائع کی گئی تصویر کی اصل حقیقت“۔

Yaar so many messages as I turn on my phone in Vancouver inquiring about if I have joined any party 😂

Firstly, I was wearing a red jacket in the concert in Toronto last night. The much talked about image is in the hoodie I wore at the sound check before the concert from a brand… pic.twitter.com/op4Ns3Zxtf

— Ali Zafar (@AliZafarsays) April 30, 2023

علی ظفر نے اس حوالے سے کنسرٹ کی تصاویر کے ساتھ ایک اور ٹوئٹ بھی کیا ہے جس میں انہوں نے لکھاکہ”یار میں  جب  وینکوور میں اپنا فون آن کرتا ہوں

اتنے سارے پیغامات میں یہ پوچھا جاتا ہے کہ  کیا میں کسی پارٹی میں شامل ہوا ہوں “۔

علی ظفر نے مزید لکھاکہ”پہلی بات تویہ ہے کہ میں نے کنسرٹ سرخ جیکٹ پہنی تھی، جس تصویر کے بارے میں بہت زیادہ بات کی جارہی ہے وہ ہوڈی میں ہے جو میں نے”راستہ“نامی برانڈ کے کنسرٹ سے قبل  ساؤنڈ چیک کے دوران پہنی تھی“۔

گلوکار نے بتایا کہ”اس جیکٹ میں جمالیاتی مقاصد کیلیے مقامی علامتوں اور دیسی  فقرے استعمال کیے گئے تھے۔ اسی ہوڈی  پر  بلا اور تیر بھی بناہوا تھا۔ بس اسے اتفاقاً   پہنا کیونکہ وہ بطور تحفہ موصول ہوئی تھی  “۔علی ظفر نے ازراہ تفنن لکھاکہ” اگلی بار بنیاں بھی سوچ کر پہون گا “۔