شاہ رخ خان کی’پٹھان‘ بنگلادیش میں ریلیز ہونے والی پہلی ہندی فلم ہوگی

شاہ رخ خان اور دیپیکا پڈوکون کی ’پٹھان‘ بنگلادیش میں ریلیز ہونے والی پہلی ہندی فلم  کا اعزاز حاصل کرنے جارہی ہے۔

ہندوستان ٹائمز کی رپورٹ کے مطابق انٹرنیشنل ڈسٹری بیوشنز کے نائب صدر نیلسن ڈی سوزا نے اعلان کیا ہے کہ فلم ’پٹھان‘ 12 مئی کو بنگلا دیش کے سنیما گھروں میں ریلیز کی جائے گی۔

یہ بھی پڑھیے

پٹھان نے باہوبلی 2 کو بھی پچھاڑدیا، سب سے بڑی ہندی فلم بن گئی

کنگ خان کا فلم پٹھان دیکھنے والی اپنی پہلی ہیروئن سے دلچسپ مکالمہ وائرل

نیلسن ڈی سوزا نے بتایا کہ پٹھان ہندی سنیما کی وہ پہلی فلم ہوگی جو 1971 کے بعد بنگلا دیش میں ریلیز ہوگی اور اس پر ہم بنگلا دیشی حکام  کے شکر گزار ہیں۔

#ShahRukhKhan‘s #Pathaan is set to release in Bangladesh. The film is the first Hindi-language title to get a theatrical release in the country since 1971.🎬❤️ pic.twitter.com/Y8YbedERkG

— Filmfare (@filmfare) May 5, 2023

ان کا مزید کہنا تھا کہ بالی ووڈ سپر اسٹار شاہ رخ خان کی بنگلا دیش میں ایک بڑی فین فالوونگ ہے جس کے پیش نظر ان کی فلم کو ریلیز ہونے کی اجازت دی گئی۔

واضح رہے کہ شاہ رخ خان، دیپیکا پڈوکون اور جان ابراہم کی یہ فلم رواں برس کے آغاز پر 25 جنوری کو ریلیز کی گئی جس نے کئی ریکارڈز اپنے نام کیے۔