وینا ملک نے عمران خان کو اگلا وزیراعظم قرار دے دیا

پاکستان شوبزانڈسٹری کی متنازع اداکارہ وینا ملک ایک مرتبہ پھر سابق وزیراعظم اور تحریک انصاف کے سربراہ عمران خان کی حمایت میں کھل کر سامنے آگئیں۔

اداکارہ نے عمران خان کیلیے پاکستان کا اگلا وزیراعظم بننے کی پیش گوئی کردی۔

یہ بھی پڑھیے

عاصم اظہر کا عمران خان سے اظہار تشکر، عمران عباس کی روضہ رسول پر کپتان کیلیے دعا

پاکستان کو جوڑنا ہے توڑنا نہیں، شان شاہد کی قوم سے متحد ہونے کی اپیل

وینا ملک نےعمران خان کی گزشتہ روز امریکی خاتون رکن کانگریس کے ساتھ لیک کی گئی زوم کال پر ردعمل دیتے ہوئے ٹوئٹ میں لکھاکہ” بہت سارے وسائل اور پیسہ خرچ کر کے بیچارے پہلے آڈیو لیک سلیکٹ کرتے ھیں پھر کیمپین سیٹ کرتے ہیں، بہت سارا پیسہ بہاتے ہیں پھر آڈیو لیک کرتے ہیں اور پھر وہ اسٹنٹ فلاپ ہو جاتا ھے پھر نئی لیکس بنانے کیلئے پھر پیسہ لگاتے ہیں پھر کمپین سیٹ کرتے ہیں اور پھر ناختم ہونے والا سلسلہ چلتا رہتا ہے۔

اداکارہ نے ایک اور ٹوئٹ میں لکھا کہ عمران خان سب سے بڑا میڈیا اسٹرٹیجسٹ ہے اور تم لوگ اس کے ایک فیصد بھی نہیں ہو۔

اداکارہ نے ایک اور ٹوئٹ میں عمران خان کو ملک کا اگلا وزیراعظم قرار دےدیا۔

ایک اور ٹوئٹ میں وینا ملک نے مئی کے واقعات میں ملوث افراد کیخلاف ملٹری ٹرائل شروع ہونے سے متعلق آرمی چیف کا بیان شیئر کیا اور اس سے اگلے ہی ٹوئٹ میں انہوں نے سوال داغ دیا کہ 9 مئی کو جن نہتے لوگوں کو سامنے سے گولیاں مار کر شہید کیاگیاان کیخلاف کارروائی کب ہوگی اور کون کریگا؟

متعلقہ تحاریر