شاہ رخ، دیپیکا اور سلمان، قطرینہ کس فلم کی شوٹنگ شروع کرنے جارہے ہیں؟

فلم ’پٹھان‘ کی بے مثال کامیابی کے بعد بالی ووڈ کنگ شاہ رخ خان اور دیپیکا پڈوکون کی کامیاب ترین جوڑی سلمان خان اور قطرینہ کیف کی خوبصورت جوڑی کے ساتھ جلد ایک نئی سپر ہٹ فلم میں اپنی صلاحیتوں کے جوہر دکھاتے نظر آئے گی۔

بالی ووڈ کی خبروں پر نظررکھنےوالےمیگزین فلم فیئر نے دعویٰ کیا ہےکہ دونوں جوڑیاں آئندہ سال ایک نئی فلم کی عکس بندی شروع کرنے جارہی ہیں۔

یہ بھی پڑھیے

شاہ رخ خان کی’پٹھان‘ بنگلادیش میں ریلیز ہونے والی پہلی ہندی فلم

فلم فیئر نے اپنے ٹوئٹ میں رپورٹس کے  حوالے سے دعویٰ کیا ہے  کہ دیپیکا پڈوکون اور قطرینہ کیف جنوری 2014 سےشاہ رخ خان اور سلمان خان کے ساتھ فلم ‘TigerVsPathan’کی عکس بندی شروع کرنےجارہی ہیں۔

As per reports, #DeepikaPadukone and #KatrinaKaif will start filming for #TigerVsPathaan with #ShahRukhKhan and #SalmanKhan in January 2024.✨ pic.twitter.com/8tqjZr4KaB

— Filmfare (@filmfare) May 25, 2023

رواں سال  بھارت کے یوم جمہوریہ پر  عالمی سطح  پر  سنیما گھروں کی زینت بننے والی پٹھان کو بھارتی فلم انڈسٹری کی سب سے کامیاب فلم  ہونے کا اعزاز  حاصل ہے۔

فلم پٹھان نے دنیابھر سے  10ارب 52کروڑ85 لاکھ  سے زائد بھارتی روپے سمیٹےہیں، جس میں بھارت  سے یہ فلم 6 ارب58 کروڑ65لاکھ روپے  کمانے میں کامیاب رہی  ۔

فلم میں شاہ رخ خان اور دیپیکا پڈوکون کے علاوہ  سلمان خان نے بطور مہمان اداکار اپنے  مشہورترین کردار ٹائیگر  کے روپے  میں مختصر  کردار اداکیا تھا تاہم نئی فلم میں وہ باضابطہ طور پر پٹھان کے مدمقابل نظر  آئیں گے۔