گنگوبائی کاٹھیاواڑی کے ٹیزر پر عالیہ بھٹ کو مبارکباددینے کا سلسلہ جاری
سنجے لیلا بھنسالی کی اس فلم میں عالیہ بھٹ نے گنگوبائی کا مرکزی کردار نبھایا ہے۔
بالی ووڈ کی نئی فلم گنگو بائی کاٹھیاواڑی کے ٹیزر میں اداکارہ عالیہ بھٹ کے نئے روپ نے سب کو چونکا دیا ہے۔ انڈسٹری کے بڑے ستاروں نے صرف ٹیزر ریلیز ہونے پر اداکارہ کو مبارکباد دینا شروع کر دی ہے۔
رعب دار شخصیت، تحکمانہ انداز اور لہجے میں بے خوفی، عالیہ بھٹ کا یہ روپ اور انداز نہ صرف ان کے مداحوں بلکہ بالی ووڈ اسٹارز کو بھی بھا گیا ہے۔ عالیہ بھٹ کی نئی فلم گنگو بائی کاٹھیاواڑی کے ٹیزر نے سوشل میڈیا پر دھوم مچائی ہوئی ہے۔ بالی ووڈ کے صف اول کے اداکاروں اور ہدایتکاروں نے سماجی رابطوں کی ویب سائٹ ٹوئٹر پر عالیہ بھٹ کو مبارکباد دینا شروع کردی ہے۔ اداکارہ نے جواب میں تمام شخصیات کا شکریہ ادا کیا ہے۔
بالی ووڈ سپراسٹار شاہ رخ خان نے ٹوئٹ میں عالیہ بھٹ کی اداکاری کی داد دیتے ہوئے لکھا کہ یہ فلم بہت ہی خاص لگ رہی ہے۔
Love you my favourite!!!!!! Thank you thank you!!! ♥️♥️♥️ https://t.co/S6Bb4qKAJw
— Alia Bhatt (@aliaa08) February 24, 2021
انڈیا کی معروف اداکارہ پریانکا چوپڑا نے اپنے ٹوئٹر پیغام میں لکھا کہ بےخوف ہو کر مشکل قدم اُٹھانے پر انہیں عالیہ پر فخر ہے۔
Love you my peeceee ♥️♥️♥️ https://t.co/zWyYEiIOeF
— Alia Bhatt (@aliaa08) February 24, 2021
بالی ووڈ اداکار اکشے کمار نے بھی عالیہ بھٹ کی تعریف کرتے ہوئے نیک خواہشات کا اظہار کیا۔
Omg yay!!! Thank you so much!!!! 🙏🙏 https://t.co/iewns0tXJN
— Alia Bhatt (@aliaa08) February 24, 2021
بالی ووڈ کے ہدایتکار و اداکار فرحان اختر نے ٹیزر سے متاثر ہوکر عالیہ بھٹ کو مبارکباد دی۔
Thank you so so much Farhan!!! https://t.co/Eg2L71zMSi
— Alia Bhatt (@aliaa08) February 25, 2021
یہ بھی پڑھیے
اجے دیوگن کا شادی کی 22ویں سالگرہ پر کاجول کو انوکھا تحفہ
ہدایتکار کرن جوہر نے ٹوئٹ میں ٹیزر کی تعریف کی اور لکھا کہ انہیں فلم کا بےصبری سے انتظار ہے۔
https://t.co/gxkk2I3UeW With @aliaa08 and #SanjayLeelaBhansali working together, it’s bound to be magical…. What a brilliant teaser! Super super proud of you baby girl! Can’t wait to see this on the big screen! 🔥 @bhansaliProductions #GangubaiKathiawadi
— Karan Johar (@karanjohar) February 24, 2021
سنجے لیلا بھنسالی کی ہدایتکاری میں بننے والی اس فلم کی کہانی حسین زیدی کے ناول ‘مافیا کوئنز آف ممبئی’ سے ماخوذ ہے۔
گنگو بائی کون تھیں؟
گنگو بائی 1960 میں ممبئی کے علاقے کماٹھی پورا میں غیر قانونی پیشوں سے وابستہ خاتون تھیں۔ گنگوبائی کا تعلق گجرات کے علاقے کاٹھیاواڑ کے ایک معتبر گھرانے سے تھا۔ زمانہ طالب علمی میں والد کے اکاؤنٹینٹ رمنیک لال کے عشق میں مبتلا ہوگئی تھیں۔ خاندان کی مخالفت پر محبوب کے ساتھ ممبئی بھاگ گئیں لیکن رمنیک لال نے گنگو کو کوٹھے پر بیچ دیا جہاں سے ان کی واپسی کبھی ممکن نا ہوسکی۔
بالی ووڈ فلم گنگو بائی کاٹھیاواڑی 30 جولائی کو سینما گھروں میں نمائش کے لیے پیش کی جائے گی۔
