کیا پاکستانی دنانیر کی ‘پاوری’ انڈیا میں ختم ہوگئی ہے؟
دہلی پولیس کے مطابق کچھ 'پاوریز' غیر قانونی بھی ہوتی ہیں۔
پاکستان کی دنانیر نے جو پارٹی شروع کی تھی وہ اب انڈیا میں اختتام پذیر ہے۔ بالی ووڈ اداکار رتیش دیشمکھ کی اہلیہ اور سابق اداکارہ جنیلیا ڈی سوزا نے پاوری انداز میں فریکچر کی کہانی سنادی۔ انڈین پولیس نے حقے ملنے پر پاوری ختم کرنے کا اعلان کردیا۔
پاکستان اور انڈیا کے بیشتر فنکار سوشل میڈیا پر شروع ہونے والی دنانیر کی پارٹی کا حصہ بنے لیکن اب یہ ‘پاوری’ ختم ہوتی دکھائی دے رہی ہے۔
جنیلیا ڈی سوزا نے فوٹو شیئرنگ ایپ انسٹاگرام پر پاوری ویڈیو شیئر کی جس میں انہوں نے اپنے ہاتھ کے فریکچر کی پوری کہانی سنادی۔ رتیش دیشمکھ کی اہلیہ نے دنانیر کا پاوری انداز اپناتے ہوئے کہا کہ یہ ہم ہیں، یہ ہماری اسکیٹنگ ہے اور یہ ہماری ریکوری ہورہی ہے۔
View this post on Instagram
یہ بھی پڑھیے
پاکستانی فنکار پاوری سے بیزار لیکن بالی ووڈ کی پارٹی جاری
دوسری جانب دہلی پولیس نے راجوری گارڈن کے علاقے میں خفیہ اطلاع پر حقہ بار پر چھاپہ مارا اور 24 حقے ملنے پر پاوری ختم کرنے کا اعلان کردیا۔ سماجی رابطوں کی ویب سائٹ ٹوئٹر پر پیغام میں لکھا کہ ‘یہ ہم ہیں، یہ حقے ہیں، اور اب پاوری نہیں ہورہی ہے۔
دہلی پولیس کے آفیشل اکاؤنٹ سے کیے جانے والے ٹوئٹ میں یہ بھی لکھا گیا کہ کچھ پاوریز نہ صرف صحت کے لیے مضر ہیں بلکہ وہ غیر قانونی بھی ہوتی ہیں۔
Yehe Hum hain..
Yehe Hooke Hain..
Aur ab Pawri nahi ho rahi haiPS- Some Pawris are not only injurious to health they are illegal too. Seized 24 Hooka from Rajouri Garden area. @CPDelhi @LtGovDelhi @DCPWestDelhi @DelhiPolice
— Addl DCP-I WEST DISTT (@i_addl) March 7, 2021
