جنوبی ایشیا سے رضوان احمد اور پریانکا چوپڑا آسکرز کے لیے نامزد
جنوبی ایشیا کے اداکار اپنی اداکاری کی وجہ سے پوری دنیا کی فلمی صنعت میں نمایاں مقام رکھتے ہیں
رواں سال اپریل میں ہونے والی 93 ویں اکیڈمی ایوارڈز کی تقریب میں پاکستانی نژاد برطانوی اداکار رضوان احمد کو ساؤنڈ آف میٹل نامی فلم میں مرکزی کردار پر ایوارڈ کے لیے نامزدکیا گیا ہے جبکہ بالی وڈ ایکٹریس پریانکا چوپڑا کو اُن کی فلم وائٹ ٹائیگر میں مرکزی کردار ادا کرنے پر ایوارڈ کے لیے نامزد کیا گیا ہے۔
پریانکا کے شوہر، امریکی گلوکار اور سانگ رائٹر نک جونس نے اس خبر کو ٹویٹ کیا اور آسکر ٹرافی کے ساتھ کچھ تصاویر شیئر کی ہیں جن سے ایسا ظاہر ہوتا ہے کہ ان کی اہلیہ نے پہلے ہی ایوارڈ حاصل کرلیا ہو۔
اس کے جواب میں پریانکا چوپڑا نے بھی طنز کیا اور کہا کہ یہ قیمتی لمحہ شوہر جوناس کے ساتھ بانٹنا بہت ہی پیارا ہے۔ فلم وہائٹ ٹائیگر کو موافقت پذیر اسکرین پلے زمرے کے لئے نامزد کیا گیا ہے۔
یہ بھی پڑھیے
اداکارہ مہربانو نے ہم جنس پرستی کو جائز قرار دے دیا
My very own Oscar! It was so lovely to share this moment with you @nickjonas I love you. ❤️Catch the oscars on April 25th! #OscarNoms https://t.co/xhIx9YgwvL
— PRIYANKA (@priyankachopra) March 15, 2021
دوسری جانب رضوان احمد پہلے مسلمان اور پاکستانی نژاد اداکار بن گئے جنہیں آسکر کے لئے امریکی ڈرامہ فلم ساؤنڈ آف میٹل میں مرکزی کردار پر نامزد کیا گیا ہے۔ اُس فلم کی ہدایت کاری اور اس کی مشترکہ تحریر داروس مرڈر نے سنہ 2019 میں کی تھی۔
رضوان احمد اور ان کی فلم ساؤنڈ آف میٹل کو اِس کے علاوہ بھی مختلف شعبوں میں نامزد کیا گیا ہے جن میں بیسٹ پکچر، بہترین معاون اداکار، اور بیسٹ اورجنل اسکرین پلے شامل ہیں۔
38 سالہ اداکار نے اِس نامزدگی پر اپنے ٹویٹر اکاؤنٹ کے ذریعے شکر ادا کیا ہے۔
Wow! I’m honoured to be nominated by my fellow actors alongside such inspiring performances, and am grateful to the Academy for their support and encouragement. I’m equally thrilled for our visionary writer-director Darius Marder and the brilliant Paul Raci… pic.twitter.com/Z6ScOq08tf
— Riz Ahmed (@rizwanahmed) March 15, 2021
دلچسپ بات یہ ہے کہ اسٹیون یوئن پہلے ایشین نژاد امریکی ہوں گے جو مناری میں بہترین اداکار کی حیثیت سے نامزدگی کے بعد اِس ایوارڈ کے لیے رضوان کا مقابلہ کریں گے۔
اس سے قبل ، مہرشالا علی پہلے مسلمان اداکار بن چکے ہیں جنہوں نے 2017 اور 2019 میں فلم مون لائٹ کے معاون اداکار کے طور پر 2 آسکر ایوارڈز جیتے تھے۔
برطانوی پاکستانی صحافی جارج فلٹن نے ساؤنڈ آف میٹل کے لیڈ اسٹار کے لئے خوشی کا اظہار کیا اور لکھا ہے کہ آسکر نامزدگی کا ذریعہ تمام زبردست ٹریلرز تھے۔
انٹرنیٹ صارفین اِن نامزدگیوں پر بہت پرجوش ہیں اور اس سال آسکر میں پاکستانی نژاد برطانوی اداکار اور ہندوستانی اداکارہ کے لئے آسکر میں کامیابی کے لئے اپنی نیک خواہشات کا اظہار کر ہے ہیں۔
