پاکستان کو چائنا فیشن ویک میں شمولیت کی دعوت

پاکستانی فیشن ڈیزائنر ماہین خان نے مداحوں کے ساتھ پاکستان فیشن ویک سے متعلق خوشخبری شیئر کرتے ہوئے بتایا ہے کہ ہمسایہ ملک چین نے فیشن پاکستان ویک (ایف پی ڈبلیو) 2021 کو چائنا فیشن ویک میں شرکت کے لیے مدعو کیا ہے۔

ڈیزائنر ماہین خان نے سماجی رابطوں کی ویب سائٹ ٹوئٹر پر ویڈیو شیئر کرتے ہوئے لکھا کہ ’چائنا فیشن ویک میں شمولیت کی دعوت پاکستان کے لیے بہت بڑا موقع ہے۔ چائنا فیشن ویک کے ساتھ اشتراک ہمارے لیے اچھا ثابت ہوگا۔ ہم امید کرتے ہیں کہ فیشن پاکستان ویک کی جانب سے موسم سرما کے فیشن ویک میں چین کو مدعو کیا جائے گا۔

I’m thrilled to announce that CHINA FASHION WEEK hasinvited FPW2021 tocollaborate during China Fashion week which istobe aired live .
Collaborating with China Fashion week has been amazing for us.We hope to reciprocate the invitefor FPW winterfestive @razak_dawood@ImranKhanPTI pic.twitter.com/CddupGBGqI

— Maheen Khan (@Maheenkhanpk) March 25, 2021

 چائنا فیشن ویک کا آغاز بیجنگ میں 25 مارچ سے ہوچکا ہے۔

#China – The 29th China International Young Fashion Designers Contest, during China Fashion Week in Beijing.
📸 Wang Zhao #AFP pic.twitter.com/ZSOoQDvv8C

— AFP Photo (@AFPphoto) March 25, 2021

یہ بھی پڑھیے

ماڈل مشک کلیم میلان فیشن ویک میں پاکستان کی نمائندہ

چائنا فیشن فیڈریشن نے فیشن ویک کی تقریب کے انعقاد کے لیے مارچ اور اکتوبر کے مہینوں کا انتخاب کیا ہے۔ فیڈریشن نے اب تک 959 فیشن شوز کا انعقاد کیا ہے اور مجموعی طور پر چائنا فیشن ویک میں پوری دنیا سے 3 ہزار 200 سے زیادہ ڈیزائنرز اور ماڈلز نے حصہ لیا ہے۔

اس سے قبل جاپان، سنگاپور، کوریا، فرانس، اٹلی، امریکہ، روس اور دیگر ممالک نے فیشن ویک کے لیے چائنا فیشن فیڈریشن کے ساتھ تعاون کیا تھا۔