کیا عرفان خان کے صاحبزادے والد کے نام کی لاج رکھ پائیں گے؟
عرفان خان کے صاحبزادے بابل عرفان 'قلا' سے انڈسٹری میں قدم رکھنے والے ہیں۔
انڈین فلم انڈسٹری کے مرحوم اداکار عرفان خان کے بیٹے بابل خان فلمی دنیا میں قدم رکھنے کو تیار ہیں لیکن وہ اپنے والد کے نام کی لاج رکھ پائیں گے یا نہیں سوال یہ ہے۔
عرفان خان بالی ووڈ کا ایک ایسا نام ہیں جنہوں نے اپنی منفرد اداکاری سے سب کے دل جیت لیے۔ انہوں نے مختلف اور مشکل کرداروں کو بھی بخوبی نبھایا۔ عرفان خان نے انڈین فلم انڈسٹری میں جو معیار قائم کیا ان کے صاحبزادے کو اس پر پورا اترنے کے لیے خوب محنت کرنی ہوگی۔
عرفان خان کے بیٹے بابل عرفان فلم قلا سے انڈسٹری میں انٹری دینے والے ہیں۔ نوجوان اداکار نے فوٹو شیئرنگ ایپ انسٹاگرام پر شوٹنگ کی ویڈیو شیئر کردی۔
View this post on Instagram
یہ بھی پڑھیے
بالی وڈ میں فلم فیئر ایوارڈز کی شام عرفان خان کے نام
عرفان خان کے بیٹے کی نیٹ فلکس فلم میں ان کے مدمقابل اداکارہ ترپتی ڈمری ہیں جبکہ فلم میں اداکارہ سواستیکا مکھرجی بھی جلوہ گر ہوں گی۔
قلا ایک ماں اور بیٹے کی کہانی ہے جسے بالی ووڈ اداکارہ انوشکا شرما نے پروڈیوس کیا ہے۔
واضح رہے کہ رواں سال بالی ووڈ کے 66 ویں فلم فیئر ایوارڈز کے میلے میں بابل عرفان نے اپنے والد کے کپڑے زیب تن کرکے شرکت کی تھی۔ گذشتہ برس انتقال کر جانے والے عرفان خان کو فلم فیئر نے بہترین اداکار اور لائف ٹائم اچیومنٹ ایوارڈ سے نوازا تھا۔
Babil wears father Irrfan Khan’s outfit for award show, Ayushmann Khurrana pens note https://t.co/DNpaFnpxR7
— Republic (@republic) March 28, 2021
عرفان خان کا ایوارڈ بابل عرفان نے وصول کیا تھا جس پر اداکار آیوشمان کھرانہ نے کہا تھا کہ عرفان خان کے صاحبزادے کو ایوارڈ دینا ان کے لیے کسی اعزاز سے کم نہیں تھا۔
View this post on Instagram
