عاطف اسلم نے سلام عاجزانہ پیش کردیا
معروف گلوکار کی نعت کو سوشل میڈیا پر تیزی سے شیئر کیا جارہا ہے۔
پاکستان کے معروف گلوکار عاطف اسلم نے رمضان المبارک کی مناسبت سے نعت پیش کردی ہے۔ ویڈیو کو محض 10 گھنٹوں میں ویڈیو اسٹریمنگ ویب سائٹ یوٹیوب پر ساڑھے 4 لاکھ سے زیادہ افراد نے دیکھ لیا ہے۔
عاطف اسلم نے ماہ رمضان میں اپنی خوبصورت آواز میں نعت کا نظرانہ پیش کرکہ مداحوں کو حیران کردیا ہے۔ سلام عاجزانہ میں عاطف اسلم کے ہمراہ گلوکار نعمان جاوید، احسان پرویز مہدی، کمیل جعفری اور علی پرویز مہدی نے دردو و سلام پڑھا ہے۔
عاطف اسلم کی آواز میں پڑھا جانے والا یہ کلام ریلیز ہوتے ہی مقبول ہوگیا۔ ویڈیو کو محض 10 گھنٹوں میں ویڈیو اسٹریمنگ ویب سائٹ یوٹیوب پر ساڑھے 4 لاکھ سے زائد افراد نے دیکھ لیا۔ فوٹو شیئرنگ ایپ انسٹاگرام پر بھی لوگوں کی بڑی تعداد عاطف اسلم کو داد دے رہی ہے۔
View this post on Instagram
یہ بھی پڑھیے
عاطف اسلم کا نیا گانا ریلیز ہوگیا
پچھلے کچھ عرصے سے عاطف اسلم کا رجحان اسلام کی طرف بڑھ گیا ہے۔ انہوں نے گذشتہ برس رمضان المبارک میں اسما الحسنیٰ پڑھے تھے۔
عاطف اسلم معروف صحافی حامد میر کو انٹرویو دیتے ہوئے میوزک کو خیرباد کہنے کی افواہوں کی تردید کرچکے ہیں۔ عاطف اسلم مداحوں کو یہ بتاچکے ہیں کہ ان کی زندگی کی سب سے بڑی خواہش خانہ کعبہ میں اذان دینا ہے۔
گلوکار عاطف اسلم @itsaadee کی خواہیش ہے کہ انہیں خانہ کعبہ میں اذان دینے کی سعادت مل جائے ہم سب دعا کرتے ہیں کہ عاطف اسلم کی یہ دعا جلد از جلد قبول ہو جائے آمین #AtifAslam pic.twitter.com/mCp4z2AZF8
— Hamid Mir (@HamidMirPAK) June 10, 2020
واضح رہے کہ عاطف اسلم ماضی میں حمد باری تعالیٰ بھی پیش کرچکے ہیں جوکہ کوک اسٹوڈیو کی جانب سے ریلیز کی گئی تھی جبکہ 2015 میں انہوں نے نعت تاجدار حرم پیش کی جس نے بے پناہ مقبولیت کے جھنڈے گاڑھے تھے۔