دوسروں کو نصیحت خود میاں فصیحت
سوشل میڈیا صارفین وجاہت روف کی طرف سے دی جانے والی پارٹی کی تصاویر سامنے لے آئے۔
پاکستان کے معروف فلم ڈائریکٹر اور پروڈیوسر وجاہت روف کے صاحبزادے اور اداکار عاشر وجاہت نے سماجی رابطوں کی ویب سائٹ ٹوئٹر پر امتحانات میں احتیاطی تدابیر کا خیال نہ رکھنے کے حوالے سے تصویر پوسٹ کی جو خود ان ہی کو مہنگی پڑ گئی۔
پاکستان میں کرونا کی وبا کی تیسری لہر کے بعد طلباء کی ایک بڑی تعداد کی جانب سے کیمرج امتحانات منسوخ کرنے کا مطالبہ سامنے آیا تاہم ایسا نہ ہوا تو کئی والدین اور طلباء آگ بگولہ ہوگئے۔
عاشر وجاہت نے ٹوئٹر پر امتحانی مرکز کے باہر کی ایک تصویر شیئر کی جس میں والدین سمیت لوگوں کی ایک بڑی تعداد نے نہ تو سماجی فاصلے کا خیال رکھا ہوا تھا نہ ہی کسی نے ماسک پہنا ہوا تھا۔ عاشر وجاہت نے انتظامیہ کو تنقید کا نشانہ بناتے ہوئے ایک مرتبہ پھر امتحانات کی منسوخی کا مطالبہ کیا۔
یہ بھی پڑھیے
خواتین فلم پروڈیوسرز زیادہ محنت سے کام کرتی ہیں، شازیہ وجاہت
This is outside the centre where I Gave my English General Paper One hour ago. Where are the SOPS? where is the social distancing that was promised to us? Cancel These Exams before its too late!! #NCOCcancelexam @mubasherlucman @MJibranNasir pic.twitter.com/KuJySOdQMb
— Aashir wajahat official (@Aashirwajahat1) April 26, 2021
وجاہت روف کے صاحبزادے کا یہ تصویر پوسٹ کرنا تھا کہ صارفین عاشر وجاہت کے انسٹاگرام پر ڈالی گئی تصویر سامنے لے آئے۔ ایک صارف نے پچھلے دنوں وجاہت روف اور اہلیہ کی طرف سے شوبز انڈسٹری کو دی جانے والی برتھ ڈے پارٹی اور عشائیہ کی تصاویر پوسٹ کیں جس میں بشمول عاشر وجاہت کوئی بھی کرونا سے بچاؤ کی احتیاطی تدابیر پر عمل کرتا دکھائی نہیں دیا۔ ٹوئٹر صارف نے تصاویر کے ساتھ تبصرے میں لکھا کہ یہ آپ ہی ہیں ناں؟
Is this you? https://t.co/RQlqhXWQaz pic.twitter.com/eSPlXpbeYL
— Salaar khan (@k_salaar) April 26, 2021
اس سے پہلے بھی عاشر وجاہت کمرہ امتحان کی ایک تصویر ٹوئٹر پر پوسٹ کرچکے ہیں جس میں انہوں نے کرسیوں کے قریب رکھے جانے کو آڑے ہاتھوں لیا تھا۔
This is one of the centres in which Cambridge students are meant to give their papers this week. If these are The SOPs and Arrangements British council guaranteed, God help us. #CancelExamsSaveStudents #imrankhanjawabdou pic.twitter.com/LUoLoDsXSc
— Aashir wajahat official (@Aashirwajahat1) April 24, 2021
سوشل میڈیا صارفین عاشر وجاہت سے سوال کررہے ہیں کہ جب ان کے والدین اور وہ خود ایس او پیز کی کھلے عام خلاف ورزی کررہے ہیں تو کیسے صرف امتحانی مراکز کو تنقید کا نشانہ بناسکتے ہیں؟
