ایشال فیاض نے اعجاز اسلم کو ہراساں کردیا
اگر ایشال کی جگہ کوئی اداکار کسی اداکارہ کے ساتھ ایسا مذاق کرتے تو اسے یقیناً ہراسگی میں شمار کیا جاتا۔
پاکستانی ماڈل و اداکارہ ایشال فیاض نے اعجاز اسلم کو فون کرکے انہیں ساتھ باہر چلنے (ڈیٹ) کی آفر کردی۔ ہراساں کرنے کی کوشش پر اداکار کچھ گڑبڑا ضرور گئے لیکن انہوں نے لاک ڈاؤن کا بہانا بنادیا۔
ایشال فیاض نے بطور مہمان ایک پروگرام میں شرکت کی تو انہیں کسی بھی اداکار کو فون کرکے ان کے ساتھ کال پر مذاق کرنے کے لیے کہا گیا۔ ایشال نے اعجاز اسلم کا انتخاب کرتے ہوئے کہا کہ وہ بہت پرسکون انسان ہیں کسی بھی بات کا برا نہیں مناتے ہیں۔
اداکارہ نے اعجاز اسلم کو فون کیا اور تھوڑی بہت بات چیت کے بعد انہیں اچانک ڈیٹ پر چلنے کی آفر دے دی جس پر اداکار فوری طور پر کچھ گڑبڑا گئے اور کہا کہ لاک ڈاؤن میں ساری دکانیں بند ہیں کہیں نہیں جاسکتے ہیں۔ ایشال نے بھی کچھ دیر بعد پرینک کال کا پول کھول دیا۔
View this post on Instagram
یہ بھی پڑھیے
ایشال فیاض کی خلیل الرحمٰن سے شادی پر وضاحت
ویڈو دیکھنے اور سننے میں تو یہ واقعہ بہت عام معلوم ہورہا ہے لیکن چند لمحوں کے لیے سوچیں اگر یہاں ایشال فیاض کی جگہ اعجاز اسلم یا کوئی اور اداکار ہوتے اور کال پر کوئی اداکارہ ہوتیں اور ان کے ساتھ ایسا مذاق کیا جاتا تو کیا اسے بھی اس قدر بے معنی مذاق ہی سمجھا جاتا ؟ کیونکہ دیکھا جائے تو ایشال نے جس طرح اعجاز اسلم سے بات چیت کی اسے کہیں نہ کہیں ہراسگی میں شمار کیا جاسکتا ہے۔
