عروہ حسین پر کرونا سے صحتیابی پر بھی تنقید

مداحوں نے کرونا کے حوالے سے پوسٹ پر نجی زندگی سے متعلق سوالات پوچھنا شروع کردیئے۔

پاکستانی اداکارہ عروہ حسین نے فوٹو شیئرنگ ایپ انسٹاگرام اور سماجی رابطوں کی ویب سائٹ ٹوئٹر پر مداحوں کو کرونا سے صحتیابی کے بارے میں بتایا تو وہ ذاتیات پر اتر آئے اور گلوکار فرحان سعید سے طلاق کے بارے میں تبصرے شروع کردیئے۔

انہوں نے گذشتہ روز سوشل میڈیا پر اپنی ایک تصویر شیئر کی جس میں وہ نہایت کمزور دکھائی دیں۔ اداکارہ نے انسٹاگرام پوسٹ میں بتایا کہ وہ کرونا کو شکست دے چکی ہیں اور جلد مکمل طور پر صحتیاب ہوجائیں گی۔

 

View this post on Instagram

 

A post shared by URWA HOCANE (@urwatistic)

یہ بھی پڑھیے

ماہرہ خان کی انڈیا میں کام کرنے کی خواہش پر ٹکا سا جواب

اس پوسٹ پر چند مداحوں کے علاوہ صارفین کی بڑی تعداد نے ان کے اور فرحان سعید کی شادی ختم ہونے سے متعلق تبصرے کرنا شروع کردیئے۔

کچھ مداحوں کا خیال ہے کہ دونوں فنکار کسی بھی ایونٹ میں ساتھ دکھائی نہیں دیتے اس لیے یہ واضح ہے کہ ان کی طلاق ہوچکی ہے۔ ایک صارف نے کہا کہ عروہ اور فرحان عید پر بھی ایک ساتھ دکھائی نہیں دیئے تھے۔ کسی نے کہا کہ ان دنوں عروہ کی ہر تصویر ان کی والدہ کے گھر کی ہوتی ہے جس کا مطلب یہی ہے کہ وہ فرحان سعید کا گھر چھوڑ چکی ہیں۔

چند ٹوئٹر صارفین نے تو کرونا سے متعلق اس پوسٹ پر بھی عروہ کے کپڑوں پر تبصرے کیے۔

عروہ حسین نے اب تک سوشل میڈیا صارفین کی کسی بات کا کوئی جواب نہ دیتے ہوئے خاموشی اختیار کی ہوئی ہے۔

متعلقہ تحاریر