پاک چین دوستی کے 70 سال مکمل ہونے پر علی ظفر کا نغمہ ریلیز

 پاکستان اور چین کی دوستی کے 70 سال مکمل ہونے پر گلوکار علی ظفر نے چینی گلوکارہ کے ساتھ مل کر پاک چین دوستی پر نغمہ جاری کردیا ہے۔

گلوکار علی ظفر نے پاک چین سفارتی دوستی کے 70 سال مکمل ہونے پر چینی گلوکارہ کے ساتھ نغمہ گایا ہے۔ جس کی ویڈیو انہوں نے سوشل میڈیا پر شیئر کی اور لکھا کہ ’میں نے تھوڑی سی چینی زبان سیکھی اور ہماری دوستی پر نغمہ گایا ہے۔‘

#PakChinaFriendship #PakChinaAt70 pic.twitter.com/jL1t2i8IYt

— Ali Zafar (@AliZafarsays) May 21, 2021

یہ بھی پڑھیے

علی ظفر کی نعت ریلیز ہوتے ہی مقبول

اس نغمے میں چینی اور اردو دونوں زبانوں کا استمعال کیا گیا ہے جبکہ مداحوں کو چینی زبان کے الفاظ کے معنی سمجھانے کے لیے اردو اور انگریزی زبان میں سطور بھی لکھی گئیں ہیں۔

گلوکار علی ظفر نے یہ نغمہ اپنی سالگرہ کے دن ریکارڈ کروایا تھا۔

How did you know ? 🙂 and quite a difficult language 😌 https://t.co/p3i8u8BxMR

— Ali Zafar (@AliZafarsays) May 21, 2021

یہ پہلی دفعہ نہیں ہے جب علی ظفر نے کسی اہم موقع پر اپنا کوئی گانا ریلیز کیا ہوا۔ علی ظفر نے رمضان المبارک کے مہینے میں بھی نعت ’معراج ‘ ریلیز کی تھی۔

علی ظفر نے مزدوروں کے علمی دن پر مزدوروں کو خرج تحسین پیش کرنے کے لیے اپنا ایک گانا ریلیز کیا تھا جس کا نام ’ہم مزدور‘ ہے۔

دنیا کی بلند ترین چوٹی کےٹو پر اپنی جان گنوانے والے پاکستانی کوہ پیما محمد علی سدپارہ کی یاد میں بھی علی ظفر نے گانا ‘ پہاڑوں کی قسم’ تیار کیا تھا۔