الف نون کی ٹی وی اسکرینز پر واپسی؟
اداکار عدیل امجد اور فیضان شیخ کے نئے ڈرامے کا پوسٹر اور ویڈیو سامنے آگئی۔
ماضی کی مشہور مزاحیہ ڈرامہ سیریز الف نون کو دوبارہ بنائے جانے کی خبریں منظر عام پر آرہی ہیں۔ اس حوالے سے فوٹو شیئرنگ ایپ انسٹاگرام پر اداکار عدیل امجد اور فیضان شیخ کی نئی ویڈیو اور پوسٹر سامنے آیا ہے۔
کمال احمد رضوی اور ننھا پر مشتمل ڈرامہ ‘الف نون’ جس نے بھی دیکھا ہوگا، وہ اسے کبھی نہیں بھول سکتا۔ ڈرامے میں ایک تیز شخص کی چالاکیوں کا بھانڈہ اس کا سادہ لوح ساتھی کس طرح پھوڑتا ہے وہ دیکھنے کے لائق تھا۔ ڈرامے کی ہر قسط میں معاشرے میں پائی جانے والی برائیوں کو تفریحی انداز میں پیش کیا جاتا تھا۔
ماضی کے مشہور ڈرامے کے ری میک بنائے جانے کی خبریں سامنے آرہی ہیں۔ انسٹاگرام پر اس حوالے سے پوسٹ شیئر کی جارہی ہیں۔ ڈرامے کا نام اب تک سامنے نہیں لایا گیا ہے تاہم صارفین کا خیال ہے کہ اداکار عدیل امجد عرف عادی ‘نون’ کے کردار میں اور فیضان شیخ ‘الف’ کے روپ میں نظر آئیں گے۔
View this post on Instagram
یہ بھی پڑھیے
مستقبل میں ایکسپریس انٹرٹینمنٹ پر نشر ہونے والے ڈرامے کے فوٹو شوٹ کے دوران بنائی گئی ویڈیو بھی سوشل میڈیا پر تیزی سے شیئر کی جارہی ہے۔
View this post on Instagram
کچھ عرصہ قبل گلوکار شہزاد رائے نے 60 کی دہائی کی مشہور مزاحیہ ٹی وی سیریز کو جلد فلم کے طور پر دوبارہ پیش کرنے کی بات کی تھی۔
View this post on Instagram
شہزاد رائے نے اپنی انسٹاگرام پوسٹ میں بتایا تھا کہ الف نون کے کرداروں پر مبنی فیچر فلم کو معروف اداکار و ہدایتکار فیصل قریشی بنارہے ہیں جبکہ شہزاد رائے فلم میں اداکاری کے جوہر دکھائیں گے۔