میرا سیٹھی کی کتاب انڈیا میں مقبول

میرا سیٹھی بطور صحافی برطانوی اخبار دی گارڈین کے لیے بھی لکھتی رہی ہیں۔

پاکستانی اداکارہ اور مصنفہ میرا سیٹھی کی کتاب ’آر یو انجوائنگ‘ انڈیا میں سب سے زیادہ پسند کی جانے والی کتاب بن گئی۔ سماجی رابطوں کی ویب سائٹ ٹوئٹر پر میرا سیٹھی نے اس حوالے سے اپنی خوشی کا اظہار کیا ہے۔

میرا سیٹھی کی کتاب ’آر یو انجوائنگ‘ کے شائع ہوتے ہی انڈیا میں اس کے چرچے ہونے لگے ہیں۔ بھارت میں یہ کتاب سب سے زیادہ پسند کی جانے والی کتابوں کی فہرست میں شامل ہوگئی ہے اور فروخت کے اعتبار سے دوسرے نمبر پر موجود ہے۔ ٹوئٹر پر میرا سیٹھی نے اس حوالے سے پیغام جاری کرتے ہوئے اپنی خوشی کا اظہار کیا ہے۔

یہ بھی پڑھیے

میرا سیٹھی کی کتاب کے اشاعت سے قبل ہی چرچے

میرا سیٹھی نے کتاب سے متعلق بھارتی اخبار ہندوستان ٹائمز کو انٹرویو بھی دیا جس میں انہوں نے بتایا کہ انہیں’آر یو انجوائنگ‘ لکھنے میں 5 سال کا عرصہ لگ گیا کیونکہ وہ اس دوران شوٹنگز میں کافی مصروف رہیں۔

یہاں یہ بات قابل ذکر ہے کہ کچھ عرصہ قبل ووگ میگزین کے سینئر ایڈیٹر کلو اسکامہ میرا سیٹھی کی کتاب کو ایک ’طاقتور‘ کتاب قرار دے چکے ہیں۔

میرا سیٹھی نے آکسفورڈ یونیورسٹی سے گریجویشن کیا اور بطور صحافی برطانوی اخبار دی گارڈین کے لیے لکھتی رہی ہیں۔ میرا سیٹھی کا تعلق پاکستان کے باصلاحیت ستاروں کے گھرانے سے ہے۔ وہ ایک مشہور صحافی اور پاکستان کرکٹ بورڈ (پی سی بی) کے سابق چیئرمین نجم سیٹھی کی بیٹی ہیں۔ میرا سیٹھی کی والدہ جگنو محسن پنجاب اسمبلی کی رکن ہیں۔ میرا سیٹھی کے بھائی علی سیٹھی ایک مصنف اور موسیقار ہیں جنہیں 2019 میں شائع ہونے والے اپنے پہلے ناول دی وش میکر کے لیے عالمی سطح پر جانا جاتا ہے۔

Facebook Comments Box