رقص بسمل کا آغاز بہترین، اختتام غیر متاثرکن

صارفین اس مشکل کہانی کا اختتام نہایت سادہ اور روایتی انداز میں ہونے کی توقع نہیں کررہے تھے۔

ہم ٹی وی کے مشہور ڈرامے رقص بسمل کی آخری قسط میں اداکاروں نے تو انصاف کیا لیکن ڈرامے کا پلاٹ کہیں کھوگیا۔ وجاہت رؤف کی ہدایتکاری میں بننے والے اس ڈرامے کے اختتام سے مداح کچھ زیادہ ہی امید لگائے بیٹھے تھے۔

معروف اداکار عمران اشرف نے سماجی رابطوں کی ویب سائٹ ٹوئٹر پر مداحوں کا شکریہ ادا کرتے ہوئے بتایا کہ آخری قسط کے نشر ہوتے ہی رقص بسمل ٹاپ ٹرینڈ بن گیا۔

یہ بھی پڑھیے

رقص بسمل کے پوسٹر اور پینٹنگ میں مماثلت

ہاشم ندیم خان کے تحریر کردہ ڈرامے کی کہانی نے کئی موڑ لیے اور مداحوں کو جکڑے رکھا لیکن آخری قسط میں کہیں نہ کہیں کچھ کمی محسوس ہوئی۔ وجاہت رؤف کی ہدایتکاری میں بننے والے اس ڈرامے کی آخری قسط سے مداح کچھ زیادہ ہی امید لگائے بیٹھے تھے۔ صارفین اس مشکل کہانی کا اختتام نہایت سادہ اور روایتی انداز میں ہونے کی توقع نہیں کررہے تھے تاہم کاسٹ کی بہترین اداکاری نے مداحوں کے دل جیت لیے۔ خاص طور پر عمران اشرف کی اداکاری کو بےحد سراہا گیا۔

ڈرامے میں اداکارہ سارہ خان اور عمران اشرف کی جوڑی اور دونوں کی جاندار پرفارمنس کو بھی پسند کیا گیا ہے۔

رقص بسمل کی کہانی معاشرے کے دو مختلف طبقے کے گھرانوں پر مبنی ہے۔ رقص بسمل کی آخری قسط میں پیر صاحب اپنے بیٹے سے ناراضگی ختم کردیتے ہیں اور زہرہ کو موسیٰ کی دلہن بنانے کا حیران کن فیصلہ سنادیتے ہیں۔

Oye Yeah

آخری قسط کے بعد سارہ خان نے انسٹاگرام پر ایک ویڈیو پیغام شیئر کیا جس میں انہوں نے کہا کہ وہ خوش ہیں کہ موسیٰ کو زہرہ مل گئی۔ سارہ خان نے عمران اشرف سمیت پوری ٹیم کا شکریہ ادا کیا۔

 

View this post on Instagram

 

A post shared by Mrs.Falak (@sarahkhanofficial)

عمران اشرف نے اپنا نام ٹرینڈ میں شامل ہونے پر خوشی کا اظہار کرتے ہوئے گڈ بائے موسیٰ کا ٹوئٹ کیا۔

Facebook Comments Box