ماہ نور بلوچ کی عید پر واپسی
اداکارہ عید قربان پر ٹیلی فلم گھن چکر میں اداکاری کے جوہر دکھائیں گی۔
پاکستان کی سدا بہار اداکارہ ماہ نور بلوچ کی طویل عرصے بعد ٹی وی اسکرین پر واپسی ہورہی ہے، خوبرو اداکارہ عید کی خصوصی ٹیلی فلم میں اعجاز اسلم کے مدمقابل اداکاری کے جوہر دکھائیں گی۔
پاکستان کی خوبصورت ترین اداکاراؤں میں شمار ہونے والی 51 سالہ ماہ نور بلوچ ایک مرتبہ پھر مداحوں کو اپنے سحر میں جکڑنے کے لیے ٹی وی اسکرینز پر نظر آئیں گی۔ ماہ نور بلوچ عید قربان پر نشر کی جانے والی ٹیلی فلم گھن چکر میں اداکاری کے جوہر دکھائیں گی۔ فوٹو شیئرنگ ایپ انسٹاگرام پر اداکارہ نے شوٹنگ کی ایک مختصر ویڈیو شیئر کی جس میں وہ معروف اداکار اعجاز اسلم کے ساتھ چند مناظر عکس بند کراتی دکھائی دیں۔ مداحوں کا کہنا ہے کہ ماہ نور بلوچ اپنی تازہ ویڈیو میں پہلے سے کہیں زیادہ حسین اور دلکش لگ رہی ہیں۔
View this post on Instagram
یہ بھی پڑھیے
سلطانہ صدیقی نے بھی کرونا ایس او پیز کی دھجیاں اڑا دیں
ماہ نور بلوچ نے انسٹاگرام پر شوٹنگ کی ایک تصویر بھی شیئر کی جس میں وہ سفید شرٹ زیب تن کیے ہوئے تھیں۔
View this post on Instagram
اداکارہ 2019 میں عید ٹیلی فلم اپنی اپنی لو اسٹوری میں جلوہ گر ہوئی تھیں۔ کاسٹ میں اعجاز اسلم ، اصفر رحمان اور صدف کنول بھی شامل تھیں۔
View this post on Instagram
ماہ نور بلوچ نے پی ٹی وی کے مشہور ڈرامہ سیریل ’ماروی‘ سے اداکاری کا آغاز کیا تھا جس کے بعد وہ ماڈلنگ بھی کرتی رہیں اور متعدد پروجیکٹس میں کام کیا۔ جنوری 2020 میں ماہ نور بلوچ نے ہم اسٹائل ایوارڈز میں انٹری دے کر سب کو چونکا دیا تھا۔ خوبصورت ساڑھی میں ملبوس اداکارہ کی تصاویر سوشل میڈیا پر وائرل ہوئی تھیں اور صارفین نے انہیں بے حد پسند کیا تھا۔
View this post on Instagram
واضح رہے کہ ماہ نور بلوچ کی شادی 16 برس کی عمر میں ہوگئی تھی اور اب وہ نانی بن چکی ہیں تاہم مداح ان کی خوبصورتی کا راز جاننے کے لیے بے چین رہتے ہیں۔
