اداکارہ تاپسی پنوں پروڈیوسر بن گئیں

حسین دلربا میں تاپسی پنوں کی اداکاری کو بےحد پسند کیا جارہا ہے۔

بالی ووڈ اداکارہ تاپسی پنوں کا ستارہ ان دنوں آب و تاب سے چمک رہا ہے۔ اداکاری کے ساتھ ساتھ تاپسی پنوں نے پروڈکشن کے میدان میں بھی قدم رکھ دیا ہے۔

سال 2013 میں کامیڈی فلم چشم بد دور سے بالی ووڈ میں انٹری دینے والی اداکارہ تاپسی پنوں نے نہایت قلیل عرصے میں بڑی کامیابیاں سمیٹ لیں۔ پچھلے سال تاپسی پنوں کو فلم تھپڑ میں متاثر کن اداکاری پر بہترین اداکارہ کا فلم فیئر ایوارڈ دیا گیا۔

ان دنوں او ٹی ٹی پلیٹ فارم پر نشر ہونے والی فلم حسین دلربا میں تاپسی پنوں کی اداکاری کو بے حد پسند کیا جارہا ہے۔ یہ فلم پاکستان میں نیٹ فلکس پر پچھلے 2 ہفتوں سے نمبر 1 پر ٹرینڈ کررہی ہے۔

 

View this post on Instagram

 

A post shared by Taapsee Pannu (@taapsee)

یہ بھی پڑھیے

طلاق کے بعد عامر خان کا سابق اہلیہ کے ساتھ ڈانس

صرف یہی نہیں تاپسی پنوں نے اداکاری کے ساتھ ساتھ اب پروڈکشن کے میدان میں بھی قدم رکھ دیا ہے۔ انہوں نے پروڈکشن ہاؤس ’آؤٹ سائیڈر فلمز‘ کے ساتھ اشتراک کرلیا ہے۔ اداکارہ اس پروڈکشن ہاؤس میں اپنے دوست پرنجل کھنڈھیا کے ساتھ مل کر کام کر رہی ہیں۔

 

View this post on Instagram

 

A post shared by Taapsee Pannu (@taapsee)

ذی اسٹوڈیوز اور آؤٹ سائیڈر فلمز کے تحت فلم بلر پروڈیوس کی جارہی ہے جس میں تاپسی پنوں اداکاری کے جوہر بھی دکھائیں گی۔

بالی ووڈ فلم اگلے سال ریلیز کی جائے گی۔

Facebook Comments Box