عید پر شہناز شیخ،مرینہ خان اور واسع چوہدری کی واپسی

مرینہ خان اور شہناز شیخ 35 سال بعد ٹی وی اسکرین پر ایک ساتھ نظر آئیں گی۔

عید الاضحیٰ پر پی ٹی وی اور اے آر وائی ڈیجیٹل کی جانب سے دو اہم پروگرامز نشر کیے جائیں گے۔ دونوں پروگرامز کے فنکاروں نے طویل عرصے بعد ٹی وی کا رخ کیا ہے۔ شہناز شیخ اور مرینہ خان ٹاک شو میں اور واسع چوہدری ٹیلی فلم میں نظر آئیں گے۔

اس عید قرباں پر پی ٹی وی نے ماضی کی 2 معروف اداکاراؤں کو ایک ساتھ دوبارہ مداحوں کے سامنے لانے کا فیصلہ کیا ہے۔ ماضی کے مشہور ڈرامے تنہائیاں میں بہنوں کے کردار میں نظر آنے والی مرینہ خان اور شہناز شیخ 35 سال بعد ٹی وی اسکرین پر ایک ساتھ نظر آئیں گی۔

خصوصی ٹاک شو اسٹار اینڈ اسٹائل عید کے پہلے روز رات 9 بج کر 10 منٹ پر نشر کیا جائے گا۔

 

View this post on Instagram

 

A post shared by HELLO! Pakistan (@hellopakistan)

یہ بھی پڑھیے

ڈنک کی کہانی اہم موڑ پر آگئی

دوسری جانب پاکستان کے معروف مزاحیہ اداکار واسع چوہدری بھی 6 سال بعد کسی ٹی وی ڈرامہ میں اداکاری کے جوہر دکھائیں گے۔ فوٹو شیئرنگ ایپ انسٹاگرام پر واسع چوہدری نے ٹیلی فلم کا کلپ شیئر کیا۔ واسع چوہدری عید کے دوسرے روز ٹیلی فلم ایبسلوٹلی ناٹ میں اداکارہ کبریٰ خان کے مد مقابل دکھائی دیں گے۔ مزاحیہ ٹیلی فلم کی دیگر کاسٹ میں حنا بیات اور صبا فیصل بھی شامل ہیں۔

 

View this post on Instagram

 

A post shared by Vasay Chaudhry (@vasaych)

رواں سال عید پر کرونا وائرس کے پھیلاؤ کے باعث حکومت کی جانب سے شہریوں کو زیادہ سے زیادہ اپنے گھروں میں رہنے کی تاکید کی گئی ہے۔ ایسے میں دلچسپ ٹی وی شوز، ٹیلی فلمز اور ڈرامے شائقین کی عید کو یقیناً رنگین بنادیں گے۔

Facebook Comments Box