خواتین پر تشدد کے خلاف عثمان خالد بٹ اور حمزہ سہیل ہم آواز

حمزہ سہیل نے انسٹاگرام پر اپنی تحریر کردہ نظم شیئر کی۔

معاشرے میں خواتین پر بڑھتے ہوئے تشدد کے خلاف اداکاراؤں کے بعد اب اداکار بھی آواز اٹھانے لگے ہیں۔ معروف اداکار عثمان خالد بٹ اور حمزہ سہیل نے سوشل میڈیا پر تشدد کے خلاف اہم پوسٹس شیئر کیں۔

جولائی کو اس سال کا اب تک کا سب سے مشکل مہینہ کہا جائے تو غلط نہ ہوگا۔ پچھلے ماہ پاکستان میں خواتین پر تشدد کے مختلف واقعات رونما ہوئے۔ ان تمام واقعات میں خواتین کا تعلق مختلف طبقات اور عمر سے تھا۔ خواتین پر تشدد کے حالیہ واقعات پر متعدد فنکاراؤں نے افسوس کا اظہار کیا لیکن اب اداکار بھی اس مسئلے پر اپنی آواز اٹھارہے ہیں۔

معروف کامیڈین سہیل احمد کے صاحبزادے اور اداکار حمزہ سہیل نے فوٹو شیئرنگ ایپ انسٹاگرام پر خواتین پر تشدد کے بارے میں اپنی تحریر کردہ نظم شیئر کی۔ نظم میں نہایت خوبصورت الفاظ کا استعمال کرتے ہوئے ان تمام مردوں کو احساس دلانے کی کوشش کی گئی ہے جو خواتین پر ظلم و جبر کرتے ہیں۔

 

View this post on Instagram

 

A post shared by Hamza Sohail (@hamzasohail_96)

یہ بھی پڑھیے

شہزاد رائے کا نیا گانا مقبوضہ کشمیر اور فلسطین کے بچوں کے نام

اداکار عثمان خالد بٹ نے بھی سماجی رابطوں کی ویب سائٹ ٹوئٹر پر پوسٹ شیئر کی جس میں انہوں نے حکومت سے گھریلو تشدد کے بل کو جلد پاس کرنے کی اپیل کی۔

واضح رہے کہ نور مقدم کے قتل کے بعد شوبز انڈسٹری کی جانب سے واقعے کی بھرپور مذمت کی گئی اور یہ سلسلہ تاحال جاری ہے۔

Facebook Comments Box