شادی کی سالگرہ پر عائزہ خان اور دانش تیمور کا خصوصی فوٹو شوٹ

دونوں فنکاروں نے شادی کے سات سال مکمل ہونے پر ایک دوسرے کے لیے رومانوی پوسٹ شیئر کیں۔

پاکستانی اداکارہ عائزہ خان اور اداکار و میزبان دانش تیمور کی شادی کو7  سال ہوگئے۔ شادی کی سالگرہ پر دونوں فنکاروں نے اپنی انسٹاگرام پوسٹ میں خصوصی فوٹو شوٹ کی جھلک شیئر کی اور خوبصورت الفاظ میں ایک دوسرے سے اپنی محبت کا اظہار کیا۔

عائزہ خان اور دانش تیمور کی جوڑی پاکستانی شوبز انڈسٹری کی معروف جوڑی ہے۔ سات سال قبل دونوں فنکار رشتہ ازدواج میں منسلک ہوئے تھے۔ دونوں کی شادی بہت دھوم دھام سے ہوئی تھی۔ شادی کی سالگرہ کے موقعے پر دونوں اداکاروں نے ایک خصوصی فوٹو شوٹ کرایا۔ فوٹو شیئرنگ ایپ انسٹاگرام پر دانش تیمور نے عائزہ خان جبکہ عائزہ خان نے دانش تیمور کی تصویر شیئر کی۔ تصویر کے ساتھ دانش تیمور نے عائزہ خان کو مخاطب کرتے ہوئے لکھا کہ سات سال پہلے میں نے تمہیں شادی کے جوڑے میں دیکھا تھا، تم بہت خوبصورت لگ رہی تھیں۔ اس دن سے آج تک میں تمہیں اسی طرح دیکھتا ہوں جیسے پہلی مرتبہ دیکھا ہو۔ پوسٹ کے آخر میں دانش تیمور نے ملبوسات کے برانڈ لاج ونتی کا شکریہ ادا کیا جنہوں نے فوٹو شوٹ کرایا تھا۔

 

View this post on Instagram

 

A post shared by Danish Taimoor (@danishtaimoor16)

یہ بھی پڑھیے

خدا اور محبت نے مقبولیت کے ریکارڈ توڑ دیے

دوسری جانب عائزہ خان نے انسٹاگرام پوسٹ میں اپنے شوہر کی تصویر کے ساتھ لکھا کہ اگست کا مہینہ ان کے لیے بہت خاص ہے کیونکہ یہ مہینہ انہیں فوراً   2014  میں لے جاتا ہے جب ان کی شادی ہوئی تھی۔ اداکارہ نے دانش تیمور کی خوبیاں بیان کرتے ہوئے انہیں شادی کی سالگرہ پر مبارکباد پیش کی۔

 

View this post on Instagram

 

A post shared by Ayeza Khan (@ayezakhan.ak)

عائزہ خان نے اپنی پوسٹ کے آخر میں لاج ونتی برانڈ کا شکریہ ادا کرتے ہوئے لکھا کہ اس برانڈ نے ان کی کہانی کو جس خوبصورت انداز میں پیش کیا ہے دنیا اسے یاد رکھے گی، ساتھ ہی اداکارہ نے جلد آرہا ہے بھی لکھا۔ عائزہ خان کی اس بات سے معلوم ہوتا ہے کہ اس مقبول ترین جوڑی کا کوئی ویڈیو شوٹ بھی جلد آنے والا ہے جس کی طرف انہوں نے اشارہ کیا ہے۔

Facebook Comments Box