ناصر خان جان کو شادی کےلیے پیسے جمع کرنے کی فکر

ناصر  خان  جان  نے مداحوں سے درخواست کی کہ انہیں مفت  ویڈیوز  بنانے  کو  نہ کہا جائے۔

سوشل  میڈیا  اسٹار  ناصر  خان  جان  پچھلے  دنوں  اپنی  شادی  کا  اعلان  تو  کرچکے  ہیں  لیکن  اب  پیسے  جمع  کرنے  کے  حوالے  سے  کچھ  پریشان  دکھائی دیتے ہیں۔

ناصر خان جان کو کون نہیں جانتا، سوشل میڈیا پر اپنی ویڈیوز کے ذریعے شہرت حاصل کرنے والے ناصر خان جان کی شادی  قریب  آرہی  ہے تو  وہ  مشکل  میں  دکھائی  دے  رہے  ہیں۔  سماجی رابطوں کی ویب سائٹ  ٹوئٹر  پر  پوسٹ  میں  ناصر  خان  جان  نے  لکھا  کہ  ان  سے سالگرہ  وغیرہ  پر مفت  ویڈیوز  بنانے  کو  نہ  کہا  جائے  کیونکہ  ان  کی  شادی  ہورہی  ہے  تو  انہیں  پیسوں  کی  ضرورت  ہے۔  ناصر  خان  جان  نے  مزید لکھا  کہ  انہیں  50  سے  زائد  ایسے  پیغامات  انہیں  موصول  ہوئے  ہیں  جن  میں  بنا  پیسوں  کے  ویڈیو  بنانے  کی درخواست  کی  گئی  ہے۔  سوشل  میڈیا  اسٹار کے  مطابق 3   ہزار  روپے  ویڈیو  کے  لیے  اتنی  زیادہ  رقم  نہیں  ہے۔

یہ  بھی  پڑھیے

ناصر خان جان دولہا بننے کو تیار

یہاں  یہ  بات  قابل  ذکر  ہے  کہ  پچھلے  دنوں ناصر  خان  جان نے  اپنے  سسرال  سے  آنے  والے  فرنیچر  کی  تصاویر سوشل  میڈیا  پر  شیئر  کی  تھیں  جس  پر  انہیں  صارفین  کی  جانب  سے  شدید  تنقید  کا  نشانہ  بنایا  گیا  تھا۔

اس  سے  پہلے ناصر خان جان نے  شادی ہال کی تصویر شیئر کرتے ہوئے مداحوں کو شادی میں شرکت کی دعوت بھی دی تھی۔ ساتھ مزاحیہ انداز میں لکھا تھا کہ وہ صرف مہنگے تحفے ہی قبول کریں گے۔

Facebook Comments Box