لاپتہ اور پری زاد کے درمیان کانٹے کا مقابلہ

ایک طرف عائزہ  خان  تو دوسری جانب احمد علی اکبر کی  اداکاری کو سراہا جارہا ہے۔

پاکستان کے نجی ٹی وی چینل ’ہم انٹرٹینمنٹ‘ کی جانب سے  پچھلے  دنوں آن ایئر کیے  جانے  والے 2 نئے ڈرامے ’لاپتہ‘ اور ’پری زاد‘  کو  ناظرین  کی  بھرپور  پذیرائی  مل  رہی  ہے۔  لاپتہ  میں  اداکارہ  عائزہ  خان  جبکہ  پری زاد  میں  اداکار  احمد علی اکبر کی  اداکاری  کو  پسند  کیا  جارہا  ہے۔

خضر ادریس کی ہدایتکاری میں بننے والے ڈرامہ سیریل ’لاپتہ‘ میں اداکارہ عائزہ خان اور سارہ خان سمیت اداکار علی رحمان خان اور گوہر رشید مرکزی کرداروں میں نظر آرہے ہیں۔ ڈرامے کی کہانی دو کزنز فلک اور گیتی کے گرد گھومتی ہے۔  متوسط  طبقے  سے  تعلق  رکھنے  والی  دونوں  لڑکیاں  اپنے  کزن  شمس  کو  پسند  کرتی  ہیں۔  دوسری  جانب  شمس  کو  راتوں  رات  امیر  بننے  کا  خواب  ستاتا  ہے  جس  کی  وجہ  سے  وہ  جوا  کھیلتا  ہے  اور  ہار  کر  نئی  مشکل  میں  پھنس  جاتا  ہے۔ اب  تک  ڈرامے  میں اداکار  گوہر  رشید  کی  انٹری  نہیں  ہوئی  ہے۔  سوشل  میڈیا  پر  ڈرامے  کے  بارے  میں  صارفین  ملے  جلے  تاثرات  کا  اظہار  کررہے  ہیں  تاہم  عائزہ خان  کو ایک  ٹک  ٹاکر  کے  روپ  میں  دیکھنا مداحوں کو بھاگیا  ہے۔

 

View this post on Instagram

 

A post shared by Ayeza Khan (@ayezakhan.ak)

یہ  بھی  پڑھیے

ہم ٹی وی نے ’پری زاد‘ اور ’لاپتہ‘ نشر کردیئے

دوسری  جانب  پری  زاد  کی  کہانی  اور  ڈائیلاگز  نے شائقین  کو  اپنے  سحر  میں  جکڑ لیا  ہے۔  احمد علی اکبر کی  اداکاری  کو خوب  سراہا  جارہا  ہے۔ احمد علی اکبر 2 سال بعد ڈراموں میں واپس آئے ہیں۔ انہوں نے ڈرامے میں پری زاد کا مرکزی کردار نبھایا ہے جوکہ اپنی سانولی رنگت کے باعث احساس کمتری کا شکار ہوتا ہے۔

پری زاد میں اداکارہ عشنا شاہ، عروہ حسین اور صبور علی سمیت دیگر مشہور شخصیات موجود ہیں۔ شہزاد کشمیری کی ہدایتکاری میں بننے والے اس ڈرامے کی کہانی معروف مصنف ہاشم ندیم خان نے لکھی ہے۔

Facebook Comments Box