سونیا حسین مظلوم خواتین کی آواز
اداکارہ نے جواد احمد کے گانے کی ویڈیو میں خصوصی پیغام دیا۔
پاکستانی اداکارہ سونیا حسین نے خواتین کے حقوق کے لیے اپنی آواز اٹھائی۔ گلوکار جواد احمد کے گانے کی ویڈیو میں حالیہ تشدد کا نشانہ بننے والی اور قتل کی جانے والی خواتین کا ذکر کیا گیا ہے، سونیا حسین بھی ویڈیو اور مہم کا حصہ ہیں۔
سونیا حسین خواتین کے حقوق کے حوالے سے اکثر ٹی وی پروگرامز میں گفتگو کرتی نظر آتی ہیں۔ اب انہوں نے اس حوالے سے عملی اقدامات بھی شروع کردیے ہیں۔ جواد احمد کے مظلوم خواتین سے متعلق گانے کی ویڈیو میں سونیا حسین بھی موجود ہیں جو ان تمام خواتین کے حقوق کی بات کررہی ہیں جن سے ان کے حقوق چھین لیے جاتے ہیں۔ سونیا حسین نے انسٹاگرام پوسٹ میں گانے کی ویڈیو شیئر کرتے ہوئے لکھا کہ یہ گانا پاکستان اور دنیا کی تمام خواتین کی طاقت ، لچک ، استقامت ، کردار ، صبر ، جذبے ، ہنر اور محنت کو خراج تحسین پیش کرتا ہے۔
View this post on Instagram
یہ بھی پڑھیے
لاپتہ اور پری زاد کے درمیان کانٹے کا مقابلہ
سونیا حسین نے اپنے مداحوں سے کہا کہ اس پیغام کو پھیلانے میں ان کی مدد کریں۔ اداکارہ نے خواتین سے متعلق اس مہم کا حصہ بننے پر جواد احمد کا شکریہ ادا کیا۔
جواد احمد نے گانے میں بڑھتے ہوئے ہراسگی کے کیسز کا ذکر کرتے ہوئے معاشرے کو اس سے پاک کرنے کے عزم کا اظہار کیا ہے۔
