حرا مانی کو میسی پر پیار آگیا

اداکارہ بارسلونا کلب سے زیادہ میسی کی مداح نکلیں۔

پاکستانی  اداکارہ  حرا  مانی  بھی  اسٹار  فٹبالر  لیونل  میسی  کی  مداح  نکلیں۔ انسٹاگرام  پوسٹ  میں  اداکارہ  میسی کے بارسلونا کلب چھوڑنے پر افسردہ دکھائی دیں تاہم  انہوں  نے  میسی  کو  پیاری  چیز  کہہ  دیا۔

ارجنٹینا کے مشہور فٹبالر لیونل میسی کے مداح  دنیا  بھر  میں  پھیلے ہوئے  ہیں۔ حرا  مانی  نے  بھی  بتادیا  کہ  وہ میسی  کی  فین  ہیں۔ فوٹو شیئرنگ  ایپ  انسٹاگرام  پر اداکارہ  نے  پوسٹ میں کہا کہ بارسلونا  کلب  میسی  کے بغیر  کچھ  نہیں  ہے  اور  میسی  بارسا  کے  بنا  کچھ  نہیں۔  حرا  مانی  نے لیونل میسی کو  مخاطب  کرتے  ہوئے  لکھا  کہ آپ  ناقابل  شکست  ہیں۔ ساتھ  ہی  مداحوں  سے  کہا  کہ میسی  بڑی  پیاری  چیز  ہے  اس  کو  بھی  تو  سمجھو،  اس  کا  بھی  تو  دل  ہے۔

 

View this post on Instagram

 

A post shared by Hira Mani (@hiramaniofficial)

یہ  بھی  پڑھیے

نم آنکھوں کے ساتھ میسی بارسلونا کلب کو الوداع کہہ گئے

عام  طور  پر  میسی  کے  مداح  بارسلونا  کے  زیادہ  مداح  ہوتے  ہیں لیکن  حرا  مانی  کی  پوسٹ  سے  ایسا  ظاہر  ہورہا  ہے  کہ  وہ  بارسلونا  کلب  سے  زیادہ  میسی  کی  فین  ہیں۔

یہاں  یہ  بات  قابل  ذکر  ہے  کہ  پچھلے دنوں لیونل میسی بارسلونا  کلب کو الوداع کہتے ہوئے پریس  کانفرنس  میں  رو  پڑے تھے۔

واضح  رہے  کہ  میسی  اب  پی  ایس  جی  کلب  کا  حصہ  ہیں اور  مستقبل  میں  اپنے پرانے دوست فٹبالر  نیمار  کے  ساتھ  فٹبال کھیلنے  کے حوالے  سے  پرجوش  بھی  ہیں۔

Facebook Comments Box