شنیرا اکرم کو مردوں کا دفاع مہنگا پڑگیا
نذرانہ یوسفزئی نے کہا کہ تصحیح فرمائیں کہ آپ کا دل تمام پاکستانی خواتین کے لیے غمگین ہے۔
قومی کرکٹ ٹیم کے سابق کپتان وسیم اکرم کی اہلیہ شنیرا اکرم کو لاہور واقعے کے تناظر میں مردوں کا دفاع مہنگا پڑگیا۔ شنیرا اکرم نے پاکستان کے شریف مردوں سے اظہار ہمدردی کیا تو ٹوئٹر صارفین نے انہیں تنقید کا نشانہ بنایا۔
شنیرا اکرم نے سماجی رابطوں کی ویب سائٹ ٹوئٹر پر اپنے پیغام میں لکھا کہ ان کا دل پاکستان کے تمام شریف مردوں کے لیےغمزدہ ہے۔
My heart goes out to all the good men of Pakistan. I’m sorry so many of your brothers have failed you 💔
— Shaniera Akram (@iamShaniera) August 19, 2021
یہ بھی پڑھیے
شنیرا اکرم کا شوہر سے محبت کا نیا انداز
شنیرا اکرم کے ٹوئٹ کرنے کی دیر تھی کہ ٹوئٹر صارفین نے انہیں آڑھے ہاتھوں لے لیا۔ سماجی کارکن لینا غنی نے ٹوئٹ کے جواب میں لکھا کہ ان کا دل اپنے لیے غمگین ہے، میں اس ٹوئٹ کو پڑھنے سے پہنچنے والی تکلیف پر اپنے آپ سے معذرت خواہ ہوں۔
My heart goes out to myself. I’m sorry for the pain reading this tweet has caused me. 💔 https://t.co/LSlnHBvoX9
— Leena (@Leena_Ghani) August 19, 2021
سماجی کارکن نذرانہ یوسفزئی نے ٹوئٹ میں لکھا کہ تصحیح فرمائیں کہ آپ کا دل تمام پاکستانی خواتین کے لیے غمگین ہے۔
Corrected tweet
My heart goes out to all the women of Pakistan. I’m sorry men have failed you 💔
— Nazrana Yousufzai (@nazranayusufzai) August 19, 2021
سماجی کارکن اسامہ خلجی نے طنزیہ انداز میں لکھا کہ وہ”اچھے مرد“ جنہوں نے خاتون کو 400 ”برے مردوں “ کے حملے سے بچانے کے لیے مداخلت کی؟
The “good men” who intervened to help the woman being attacked by 400 “bad men”?
— Usama Khilji (@UsamaKhilji) August 19, 2021
کئی صارفین نے شنیرا اکرم کے خیالات کو قابل احترام قرار دیا مگر ان سے ٹوئٹ ڈیلیٹ کرنے کا بھی مطالبہ کیا۔ دوسری جانب کئی صارفین شنیرا اکرم کی حمایت کرتے بھی نظر آئے۔
Finally someone has said it. Thank you Bhaabi je for the much needed words, we were almost losing hope. Stay blessed. ✨🇵🇰
— Ammar Ahmad (@iiAmmarAhmad) August 19, 2021
پولیٹیکل اسپورٹس میمز نامی ٹوئٹر ہینڈل سے لکھا گیا کہ کینیڈین روزی گیبریل بھی ایک خاتون ہیں جنہوں نے پورا پاکستان اکیلے گھوما ہے، لوگوں نے مفت میں اس خاتون کی بائیک ٹھیک کرکے دی۔ جہاں گئیں کھانے کے پیسے نہیں لیے گئے۔ لوگوں نے اپنے گھروں میں مفت رہائش فراہم کی۔ 400 کیا پورے ملک میں کسی ایک نے بھی اسے بری آنکھ سے نہیں دیکھا کیونکہ روزی ناچ گانا نہیں کرتی تھیں۔
400 کیا پورے ملک میں میں سے کسی ایک نے روزی
کو بھی بری آنکھ سےنہیں دیکھا کیونکہ روزی ناچ گانا نہیں کرتی تھی، اس نے بےحیا لوگوں کو اپنا فین نہیں بنایا تھا خدارا پاکستانی معاشرے کے مردوں کو اس طرح سے رسوا نہ کریں۔ کچھ ان بے ہودہ ٹک ٹاکروں کو بھی راہ راست دکھائیں۔— Political Sports Memes (@FahimNomi) August 19, 2021