عدنان صدیقی کی بطور پروڈیوسر ترک ڈرامہ انڈسٹری میں انٹری

معروف اداکار صلاح الدین ایوبی  پر  ایک  تاریخی  سیریز  بنانے  جارہے  ہیں۔ 

پاکستانی  اداکار  عدنان  صدیقی  اب  پروڈکشن  کے  میدان  میں  قدم  رکھنے  والے  ہیں، معروف  اداکار  نے  اعلان  کیا  ہے  کہ  وہ  صلاح الدین ایوبی  پر  ایک  تاریخی  سیریز  بنانے  جارہے  ہیں  جوکہ  پاکستان  اور  ترکی  کی  مشترکہ  کاوش  ہوگی۔

سماجی  رابطوں  کی  ویب  سائٹ  ٹوئٹر  پر  عدنان  صدیقی  نے کہا  کہ  انہیں  یہ بتاتے  ہوئے  خوشی  محسوس  ہورہی  ہے  کہ  انہوں  نے  ترکی  کے  پروڈکشن  ہاؤس  اکلی  فلم  کے  ساتھ  معاہدہ  کرلیا  ہے۔ جس  میں  ان  کے  ہمراہ  ہمایوں  سعید ، ڈاکٹر  کاشف  انصاری  اور  ڈاکٹر  جنید  علی  شاہ  بھی  ہیں۔

یہ  بھی  پڑھیے

صبا قمر اردو فلکس کی ویب سیریز کے لیے تیار

پاکستان اور ترکی کی  مشترکہ پروڈکشن  کے  تحت ایوبی سلطنت کے بانی سلطان صلاح الدین ایوبی پر تاریخی ڈرامہ سیریز بنائی  جائے  گی۔  یہ  سیریز 3 سیزنز پر مشتمل ہوگی جبکہ ہر سیزن میں 34  کے  قریب  اقساط  ہوں گی۔

تاریخی  ڈرامہ  سیریز کی کاسٹ پاکستان اور ترک فنکاروں پر مشتمل ہوگی  جوکہ  مارچ 2022 میں منظر عام پر آئے گی۔

چند  سوشل  میڈیا  صارفین  کا  خیال  ہے  کہ  صلاح الدین ایوبی کا  تلعق  نہ  تو  پاکستان  سے  تھا  نہ  ترکی  سے  تو  اسے  ترکی  میں  کیوں  بنایا  جارہا  ہے  اور  پاکستانی  کیوں  اس  میں  شامل  ہیں؟  جبکہ سیریز کے  بنانے  والوں  کا  کہنا  ہے  کہ  یہ  سیریز محض  پاکستان اور ترکی کے لیے نہیں بلکہ اس  سے  پوری  دنیا کو یہ  دکھانا ہے تاریخ  میں  ایک ایسا  مسلمان حکمران بھی  گزرا  ہے جس کے مخالفین تک  اس کی شجاعت، انصاف  اور  بہادری کی  تعریف  کرتے  تھے۔

Facebook Comments Box