زرنش خان ابرار الحق کی حمایت میں سامنے آگئیں

اداکارہ نے نادیہ حسین کو بھی تنقید کا نشانہ بنایا۔

پاکستانی گلوکار ابرار الحق کی  جانب  سے  دور جدید کی ماؤں پر  کیے جانے  والے  تبصرے  پر اداکارہ  و  ماڈل  نادیہ  حسین  نے  انہیں  تنقید  کا  نشانہ  بنایا  لیکن  اداکارہ  زرنش  خان  گلوکار  کی  حمایت  میں  سامنے  آگئیں۔

تحریک  انصاف  کے  دور  میں  پی  ٹی  وی  کی  تین  سالہ  کارکردگی  پر ہونے  والے  خصوصی  پروگرا‏م  میں معروف  گلوکار ابرار الحق نے  کہا  کہ  ہمارے  وقت  میں  مائیں  بچوں  کو گود میں  لے  کر کلمہ  سناتی  تھیں  لیکن  آج  کل  کی  مائیں بچوں  کے  ہاتھ  میں موبائل  فون  تھما دیتی  ہیں  جس  پر  بچوں  کی  نظم  بےبی  شاک بجتی  رہتی  ہے۔  سوشل  میڈیا  پر ابرار الحق کا  یہ  ویڈیو  کلپ  تیزی  سے  وائرل  ہوگیا۔

یہ  بھی  پڑھیے

لکس اسٹائل ایوارڈز؛ نامزدگیوں پر سونیا حسین، کبریٰ خان اور یاسرہ رضوی ہم آواز

نادیہ حسین  نے ابرار الحق کی  اس  بات  پر انہیں شدید  تنقید  کا  نشانہ  بنایا۔

اس  کے  برعکس  اداکارہ  زرنش  خان  ابرار الحق  کی  حمایت  میں  سامنے  آگئیں۔  فوٹو  شیئرنگ  ایپ  انسٹاگرام  پر زرنش  خان  نے اپنی  اسٹوری  میں دبے  الفاظ  میں  نادیہ  حسین پر تنقید کی۔ لکھا  کہ  اگر  کوئی  اچھی  بات  کرئے  تو  اسکی  بات  کو  اچھا  کہیں  ناکہ  اسکی  بات  کو  نظرانداز  کرکے  اسکی  پوری  زندگی  کو جج  کریں۔

زرنش خان

Facebook Comments Box