عمر شریف اور اہلخانہ کو علاج کے لیے امریکہ کے ویزے جاری
امریکی قونصل خانے نے عمرشریف اور ان کے اہل خانہ کو امریکہ جانے کے لئے ویزے جاری کردیئے ہیں
وزیراعظم کے معاون خصوصی برائے سیاسی روابط ڈاکٹر شہباز گل نے سماجی رابطوں کی ویب سائٹ پر لاکھوں دلوں کی دھڑکن عمرشریف کے علاج کے حوالے سے خوشخبری دیتے ہوئے بتایا ہے کہ امریکی قونصل خانے نے عمرشریف اور ان کے اہل خانہ کو امریکہ جانے کے لئے ویزے جاری کردیئے ہیں۔
Happy to inform that visa interviews of Omer Sharif sahab’s family have taken place today. Very grateful to US consulate for exempting the presence of Omer bhai for issuance of visa. Let us all continue to pray for good health of one of the grestest comedians of sub continent
— Murtaza Wahab Siddiqui (@murtazawahab1) September 16, 2021
اس سے قبل پیپلزپارٹی کے اہم رہنما اور ایڈمنسٹریٹر کراچی مرتضی ٰ وہاب نے بھی اپنے ٹوئٹر اکاؤنٹ سے عمرشریف کے ویزے کے حوالے سے خوشخبری دیتے ہوئے بتایا تھا کہ امریکی قونصل خانے نے عمر شریف کی علالت کے باعث ویزہ انٹر ویو کی چھوٹ دی تھی جس کیلئے ہم امریکی قونصل خانے کے بہت شکرگزار ہیں ، انھوں نے کہا کہ ہم ہم سب برصغیر کے ایک بہترین مزاح نگار کی صحت کے لیے دعا گو ہیں۔
یہ بھی پڑھیے
عمر شریف کی طبیعت ناساز، برصغیر کے فنکار میدان میں آگئے
Update: عمر شریف صاحب اور ان کے اہلخانہ کو امریکہ کے ویزے ایشو ہو گئے ہیں۔ اب وہ جلد اپنے علاج کے لئے امریکہ روانہ ہوں گے۔ ان کے اہلخانہ نے اس تمام پراسس میں تعاون پر وزیراعظم پاکستان کا شکریہ ادا کیا۔
وزیراعظم صاحب دعاگو ہیں کہ اللہ تعالی عمر شریف صاحب کو جلد صحتیاب کرے
— Dr. Shahbaz GiLL (@SHABAZGIL) September 16, 2021
واضح رہے کہ عمر شریف گذشتہ چند دنوں سے عارضہ قلب میں مبتلا ہونے کے باعث کراچی کے نجی اسپتال میں زیر علاج تھے ، انھوں نے اپنے ویڈیو پیغام میں وزیراعظم عمران خان سے امریکہ میں علاج کےلئے مدد کی درخواست کی تھی جس پر سندھ حکومت نے عمر شریف کے اخراجات برادشت کرنے کا اعلان کیا تھا جبکہ وفاقی حکومت نے ویزہ کے حصول سمیت دیگر سفری دستاویزات میں معاونت کی یقین دہانی کرائی تھی ۔
