اداکارہ پریتی زنٹا شاہ رخ خان کو سپورٹ کے لیے سامنے آ گئیں
اداکارہ نے بالی ووڈ کے کنگ خان کے متعدد فلموں میں کام کیا ہےاور اب وہ اپنے پرانے دوست سے اظہار یکجہتی کررہی ہیں۔
جیسے ہی ممبئی سیشن کورٹ نے کروز شپ ڈرگ کیس میں آریان خان کی ضمانت کی درخواستوں پر فیصلہ محفوظ کیا ہے، شاہ رخ خان کی پاری ساتھی اور بالی ووڈ اداکارہ پریتی زنٹا خانوں کی حمایت میں کھڑی ہو گئی ہیں۔
پریتی زنٹا بالی ووڈ فلم انڈسٹری پہلی خاتون اداکارہ ہیں جو شاہ رخ خان کو اس کے برے وقت میں سپورٹ کررہی ہیں۔
یہ بھی پڑھیے
اکتوبر میں 3 ڈرامے ریلیز کے لیے تیار
عائشہ عمر کی لڑکیوں کی طرح سالگرہ منانے کی ویڈیو وائرل، صارفین کی تنقید
اداکارہ نے بالی ووڈ کے کنگ خان کے ساتھ متعدد فلموں میں کام کیا ہے اور اب وہ اپنے دیرینہ دوست سے مل کر اپنی مدد کی یقین دہانی کررہی ہیں۔
بھارتی میڈیا کی رپورٹ کے مطابق پریتی زنٹا کی گاڑی کو جمعرات کے روز شاہ رخ کی رہائش گاہ "منت” میں داخل ہوتے ہوئے دیکھا گیا تھا۔
Thats why i love her @realpreityzinta she is a true friend of @iamsrk ♥️#JusticeForAryanKhan pic.twitter.com/9rBMLc3bPs
— 🦋 Sarah Rukh Khan 🦋 (@SRKsShonaa) October 14, 2021
پریتی زنٹا کے علاوہ بالی ووڈ فلم انڈسٹری کے نامور اداکار سلمان خان نے آریان خان کی گرفتاری کے بعد سب سے پہلے سپورٹ کرنے کے لیے شاہ رخ خان کے گھر پہنچے تھے۔
بھارتی میڈیا کے مطابق سلمان خان نے کچھ روز قبل اپنے والد سلیم خان کے ہمراہ شاہ رخ خان سے ملاقات کی تھی اور دلی ہمدردی کا اظہار کیا تھا۔
انڈین میڈیا کی رپورٹ کے مطابق شاہ رخ خان کے صاحبزادے آریان خان کو کووڈ 19 ٹیسٹ منفی آنے پر قرنطینہ بیرک سے عام سیل میں منتقل کردیا گیا تھا۔
انڈین اینٹی نارکوٹکس بیورو نے آریان خان کو 3 اکتوبر کو ایک پارٹی کے دوران کروز شپ پر منشیات کی خریداری کے الزام میں گرفتار کیا تھا۔
این سی بی نے یہ بھی الزام لگایا کہ آریان منشیات کی غیر قانونی اسمگلنگ میں ملوث ہے اور اس کا تعلق بین الاقوامی منشیات کے نیٹ ورک سے ہے۔
دوسری جانب آریان خان کے وکیل نے دعویٰ کیا کہ چھاپے کے وقت ان کا موکل کروز شپ پر موجود ہی نہیں تھا۔
