سونیا حسین کو چترال کا موسم اور کیلاش کی ثقافت بھاگئی
اپنی تصویر کے ساتھ نیرہ نور کے گانے " مجھے تتلیوں کے جگنوؤں کے دیس جانا ہے" تحریر کیا
پاکستان ڈرامہ انڈسٹری کی ورسٹائل اداکارہ سونیا حسین ان دنوں شمالی علاقاجات کی سیر پر ہیں جہاں سے وہ اپنے مداحوں کےلئے سوشل میڈیا پر تصاویر اور ویڈیوز شیئر کرتے رہتی ہیں۔
سونیا حسین نے گذشتہ روز پکچرز اور ویڈیو شیئرنگ کی سماجی رابطوں کی ویب سائٹ انسٹاگرام پر کیلاش سے تصویر شیئر کی جس میں وہ کیلاش کے روایتی لباس میں دیکھی جاسکتی ہیں، سونیا حسین نے سیاہ رنگ کا روایتی کیلاشی لباس زیب تن کیا ہوا ہے جس پر مقامی سطح پر تیار ہونے والے بیل بوٹوں سے کام کیا گیا ہے۔
یہ بھی پڑھیے
View this post on Instagram
اس سے قبل سونیا حسین نے چترال پہنچ کر ایک تصویر شیئر کی تھی جس میں وہ چترالی ٹوپی پہنے ہوئی ہیں ، سونیا حسین نے اپنی تصویر کےساتھ ماضی کی معروف گلوکارہ نیرہ نور کے مشہور گانے ” مجھے تتلیوں کے جگنوؤں کے دیس جانا ہے” تحریر کیا۔
View this post on Instagram
واضح رہے کہ حال ہی میں متحدہ عرب امارت کی ریاست دبئی میں منعقد ہونے والے پیسا ایوارڈ میں بہترین اداکارہ کا ایوارڈ حاصل کرنے والی سونیا خان اداکارہ ہونے کے ساتھ ساتھ ٹی وی ہوسٹ اور ماڈل بھی ہیں جنہوں نے اپنی اداکاری کا آغاز 2011ء میں ڈرامہ سیریل دریچہ میں معاون کردار سے کیا تھا۔ ان کے مشہور ڈراموں میں مجھے صندل كردو ، میں ہاری پیا ، میرے ہمراہی ، شکوہ ، مراسم ، نکاح، فروہ کی اے بی سی ، نازو ، سرخ جوڑا ، کسے چاہوں اور حاصل شامل ہیں ۔
