شہزاد رائے کا پاکستانیوں کو دبئی ایکسپو میں شرکت کا مشورہ
شہزاد رائے نے اعلان کیا تھا کہ وہ 30 نومبر کو دبئی ایکسپو جائیں گے جہاں وہ پاکستان پویلین میں ہوں گے
شہزاد رائے ان دنوں متحدہ عرب مارات کی ریاست دبئی میں ایکسپو 2020 دبئی میں موجود ہیں، گذشتہ روز انھوں نے دبئی ایکسپو میں پاکستان پویلین میں بیٹھ کر نمائش کا مشاہدہ کیا۔
معروف گلوکار اور سماجی کارکن شہزاد رائے نے مائکروبلاگنگ کی ویب سائٹ ٹوئٹر پر اپنے پیغام میں دبئی 2020 ایکسپو کے حوالے سے بات کرتے ہوئے کہا ہے کہ ہم پاکستان پویلین میں تنوع (جانوروں یا اشیاء کے درمیان فرق) کا مشاہد کرتے ہیں اور جشن مناتے ہیں ، انھوں نے مزید کہا کہ اس کا تجربہ ضرور کریں ۔اس سے قبل گلوکار شہزادرائے نے اپنے سوشل میڈیا اکاؤنٹ سے اعلان کیا تھا کہ وہ 30 نومبر کو دبئی ایکسپو جائیں گے جہاں وہ پاکستان پویلین میں ہوں گے۔
یہ بھی پڑھیے
شہزاد رائے کی اپنے بیٹے کے ساتھ ڈرم بجاتے ہوئے ویڈیو وائرل
شہزاد رائے نے ہنزہ کےمحروم بچوں کی خواہش پوری کردی
View this post on Instagram
واضح رہے کہ شہزاد رائے جو ان دنوں دبئی ایکسپو میں موجود ہیں اور وہاں سے انھوں نے ایمپاورنگ گرلز اینڈ وومن کے حوالے سے ایک آن لائن بزنس پروگرام کا آغاز کیا ہے جس میں انھوں نے مختلف شعبہ جات سے تعلق رکھنے والی خواتین کو شامل کرتے ہوئے خواتین میں نئی دور کے ساتھ چلنے میں حائل مسائل کے حل پر گفتگو کی ہے جبکہ اس حوالے سے نئی راہوں کی نشاندہی بھی کی جارہی ہے۔