شنیرا اکرم کے بعد سجل علی کو بھی پیپسی کانیا اشتہار کیوں پسند آگیا؟
شنیرا اکرم کے بعد اداکارہ سجل علی کو پیسی کولا کے نئے اشتہار میں پاکستانی ثقافت کی ترجمانی پسند آگئی۔اداکارہ نے پیسی کولا کا نیا اشتہار اپنے ٹوئٹر ہینڈل پر شیئر کرکےاس کی تعریف بھی کردی۔
اداکارہ نے اپنے ٹوئٹ میں پیپسی کے کام کی تعریف کرتے ہوئے مداحوں کو مشورہ دیا کہ اپنے ثقافتی ورثے کی اس وڈیو کو پسند کریں جس میں پوری پاکستانی قوم کو بہترین خراج عقیدت پیش کیا گیا ہے۔
یہ بھی پڑھیے
ہانیہ عامر نے اسپائیڈرمین کا روپ دھار لیا
ماہرہ خان نے عروج آفتاب کے گانے کی تعریف کردی
Excellent work #PepsiCo! Just love this video of our cultural heritage. The perfect homage to #Pakistani’s all across the nation!
@pepsicopakistan pic.twitter.com/gT83ieK3P6
— Sajal Ali (@Iamsajalali) December 21, 2021
واضح رہے کہ پیسی کمپنی دبئی ایکسپو میں پاکستانی پویلین کی شراکت دار ہے اور یہ ٹی وی سی (ٹیلی وژن کمرشل) اسی تشہیری مہم کے سلسلے میں بنایا گیا ہے۔اشتہار میں دنیا بھر کےسیاحوں کی توجہ پاکستانی ثقافت کی جانب مبزول کروانے کی کوشش کی گئی ہے۔
اشتہار میں سیاحوں کو پیغام دیا گیا ہے کہ سفرپر نکلیں اور اپنے دلوں کے تالے کھولیں۔آپ مہم جوئی کے متلاشی نوجوان ہیں یاشہروں سے دور بھاگنے والے،کھانوں کی خوشبوئیں سونگھتے پھرتے ہیں یا وقت کے ساتھ سفر کرنا پسند کرتے ہیں ، تو آئیے ایک چھپے ہوئے خزانے پاکستان کو تلاش کیجیے جہاں سب کچھ موجود ہے۔ اشتہار میں پاکستان کے تمام رنگوں کی جھلک دکھائی دیتی ہیں۔
یاد رہے اس سے قبل پاکستان کرکٹ ٹیم کے سابق کپتان وسیم اکرم کی اہلیہ شنیرا اکرم نے بھی پیپسی کولا کے اشتہار کی تعریف کی تھی۔
Great job #PepsiCo for taking the initiative to compile the best of Pakistan in one video. Most of the world is unaware of the beauty and diversity of #Pakistan and it makes me proud to see showcased in such a great way!#InWithForPakistan @pepsicopakistan @pakistanexpo2020 pic.twitter.com/mhQKkAeGsO
— Shaniera Akram (@iamShaniera) December 18, 2021
شنیرا اکرم نے اپنے ٹوئٹ میں لکھا کہ تھاپیسی کولا نے پاکستان کی تمام خوبیوں کو ایک وڈیو کی شکل میں مرتب کرکے بہترین قدم اٹھایا ہے۔بیشتر دنیا پاکستان کی خوبصورتی اور تنوع سے لاعلم ہے۔انہوں نے پاکستانی ثقافت کی بہترین عکاسی پر خوشی کااظہار کیاتھا۔
