فیصل جاوید نے فنکاروں کا مقدمہ سینیٹ میں پیش کردیا
سینیٹر فیصل جاوید کی جانب سے فنکاروں کی رائلٹیز کے حوالے سے سینیٹ میں قرارداد پیش کرنے پر فنکار برادری میں خوشی کی لہر دوڑ گئی۔
حکمراں جماعت پاکستان تحریک انصاف سے تعلق رکھنے والے سینیٹر فیصل جاوید خان نے سماجی رابطوں کی ویب سائٹ ٹوئٹر پر ایک ٹوئٹ کیا ہے۔
سینیٹر فیصل جاوید کی جانب سے ٹوئٹ میں کہا گیا ہے کہ ہمیں اس حقیقت کا ادراک ہے کہ شوبز سے تعلق رکھنے والے فنکاروں کو کافی عرصے سے حقیقی اور جائز رائلٹی کے مسئلے کا سامنا ہے جو کاپی رائٹس کے غلط استعمال کے مترادف ہے۔
یہ بھی پڑھیئے
سینیٹر فیصل جاوید کا یہ بھی کہنا تھا کہ فنکاروں کی رائلٹیز کے حوالے سے سینیٹ آف پاکستان میں ایک قرارداد پیش کی گئی ہے۔
Cognizant of the fact that the artists from entertainment industry have been facing the issue of rightful and just royalties for a long time that tantamount to misuse of copyrights- submitted a resolution in the Senate of Pakistan regarding #RoyaltiesForArtists
— Faisal Javed Khan (@FaisalJavedKhan) December 24, 2021
سینیٹر فیصل جاوید کے ٹوئٹ کو شوبز سے وابستہ شخصیات نے سراہتے ہوئے خوشی کا اظہار کیا ہے۔
پاکستان کے معروف ڈائریکٹر واداکار واسع چوہدری نے سینیٹر فیصل جاوید کے ٹوئٹس پر کمنٹس کیا کہ مجھے امید ہے کہ آپ اس میں سجیدگی کا مظاہرہ کرتے ہوئے ضرور کامیاب ہوں گے۔
Hight time and I Seriously hope that you succeed.#RoyaltiesForArtists https://t.co/UnbIjjykNe
— vasay chaudhry (@vasaych) December 24, 2021
اداکارہ وماڈل حرا ترین نے بھی سینیٹر فیصل جاوید کے ٹوئٹ پر اپنے کمنٹس کئے ہیں۔ جس میں حرا ترین کا کہنا تھا کہ یہ بہت بڑی پیش رفت ہے!مجھے امید ہے آپ سے کہ آپ اسے جلد ہی پاس کر لیں گے تاکہ پاکستان کے فنکار آخر کار اپنے کام کے دوبارہ نشر ہونے یا دوبارہ ٹیلی کاسٹ کرنے کے لیے اپنے بقایا واجبات حاصل کر سکیں۔
This is great progress! 👍🏼 I hope we pass this soon so the artists of Pakistan can finally get their residual dues for the re-airing or repeat telecasts of their work. 🇵🇰 #royaltiesforartists https://t.co/9AsSWmCHIP
— Hira Tareen (@HiraTareen) December 24, 2021
سینیٹ میں قرارداد پیش کئے جانے پر فنکار برادری میں خوشی کی لہر دوڑ گئی ہے۔