اکشے کمار اور ٹوئنکل کھنہ کی شادی کو 21 برس مکمل
اگر آج اکشے سے پہلی بار ملی ہوتی تو شاید بات بھی نہ کرتی، ٹوئنکل کھنہ نے انسٹاگرام پر اپنے اور اکشے کمار کے نٹ کھٹ اختلافات لکھ دیئے۔
اداکارہ سے مصنفہ بننے والی ٹوئنکل کھنہ اور ان کے شوہر اکشے کھنہ نے آج اپنی شادی کی 21 ویں سالگرہ منائی، ٹوئنکل نے اکشے کے ہمراہ انسٹاگرام پر بھی ایک تصویر شیئر کی۔
ٹوئنکل کھنہ نے کہا کہ انہوں نے اور اکشے نے آج کے خاص دن آپس میں بات چیت کی اور ایک دوسرے کے اختلافات کو ڈسکس کیا۔
یہ بھی پڑھیے
دانش تیمور کی عائزہ خان کو دلفریب انداز میں سالگرہ کی مبارکباد
اداکارہ نادیہ حسین نے سالگرہ پر اپنی اصل عمر بتادی
انہوں نے کہا کہ ہم دونوں اتنے زیادہ مختلف ہیں کہ مجھے لگتا ہے اگر آج میں اکشے کمار سے اجنبی کی حیثیت سے ملی ہوتی تو شاید ان سے بات تک نہ کرتی۔
اکشے کمار نے اس پر ردعمل دیتے ہوئے کہا کہ وہ یقیناً ٹوئنکل سے بات کرتے، جب ٹوئنکل نے پوچھا کہ آپ مجھے باہر لے جانے کیلیے پوچھتے تو اکشے نے طنزیہ شرارت سے کہا کہ نہیں میں پوچھتا کہ بھابھی جی بھائی صاحب کیسے ہیں، بچے ٹھیک ہیں؟
View this post on Instagram
بعد ازاں اکشے کمار نے بھی انسٹاگرام پر پوسٹ لکھی اور کہا کہ ہماری شادی کو آج 21 سال مکمل ہوچکے ہیں اور ابھی بھی ایسا لگتا ہے کہ میں نے اسے سمجھنا شروع کیا ہے۔
اکشے نے مزید کہا کہ ہر دن کو شادی کا پہلا دن جیسا بنانے پر آپ کا شکریہ۔