خواتین کا عالمی دن، شنیرا اکرم، ثنا فخر اور آمنہ الیاس کی مبارکباد

شنیرا نے کہا مردوں کے ساتھ مل کر ایک دوسرے کا احترام کرنا چاہیے، ثنا فخر بولیں 'لوگ کیا کہیں گے' کے زندگی سے نکال دیں۔

آج دنیا بھر میں خواتین کا عالمی دن منایا جا رہا ہے، اس موقع پر پاکستان میں بھی مختلف تقاریب، سیمینار، کانفرنسز، ریلیاں منعقد کی جا رہی ہیں۔

شنیرا اکرم نے انسٹاگرام پر پوسٹ کرتے ہوئے کہا کہ تمام عورتوں کو خواتین کا دن مبارک ہو۔

 

View this post on Instagram

 

A post shared by Shaniera Akram (@iamshaniera)

انہوں نے کہا کہ یہ دن اس لیے نہیں کہ مَردوں کو نیچا دکھایا جائے بلکہ اس کا مقصد ان کے ساتھ مل کر ایک دوسرے کا احترام کرنا اور ایک دوسرے کا ساتھ دینا ہے۔

شنیرا اکرم کا کہنا تھا کہ یہ دن اتنے زور و شور سے منانا چاہیے کہ وہ لوگ جو یہ سمجھتے ہیں کہ وہ کافی ہیں انہیں ہماری دھاڑ سنائی دے۔

اداکارہ ثنا فخر نے انسٹاگرام پر ایک خوبصورت پیغام پوسٹ کیا، وہ گاڑی میں سفر کر رہی تھیں لیکن عالمی دن کی مبارک باد دینا نہ بھولیں۔

 

View this post on Instagram

 

A post shared by Sana Fakhar (@sana_fakhar)

ثنا فخر نے کہا کہ آج کے دن یہ کہنا چاہوں گی کہ ایک جملہ اپنی زندگی سے نکال دیں، اور وہ یہ ہے کہ ‘لوگ کیا کہیں گے’۔

بولڈ فوٹوشوٹس کی وجہ سے مشہور اداکارہ آمنہ الیاس نے بھی خواتین کے عالمی دن کے موقع پر اپنی والدہ کے ہمراہ ایک تصویر شیئر کی۔

آمنہ الیاس ڈرائیونگ سیٹ پر بیٹھی ہیں جبکہ ان کی والدہ برابر والی نشست پر براجمان ہیں۔

انہوں نے لکھا کہ بچپن سے ہی آپ نے میرا ہر دن ‘خواتین کے دن’ جیسا بنایا ہے۔

 

View this post on Instagram

 

A post shared by Amna Ilyas (illy) (@aamnailyas)

اگرچہ فطرت کے مطابق عمر نے اپنا رستہ اختیار کیا لیکن آپ کی توانائی نا ختم ہونے والی ہے اور آپ ہمیشہ اپنے بچوں اور پوتے پوتیوں کا بھی خیال رکھتی ہیں۔

آمنہ الیاس نے مزید کہا کہ میری امی ہمیشہ سے میرے لیے محرک قوت رہی ہیں۔

متعلقہ تحاریر